Skip to main content

Aligoqqinnik ujaasisinnaangajalissaatit

Asimi ujaqqanik erlinnartunik katersisinnaanermut inerteqqut atorunnaarsinneqangajalerpoq. Taamaalillutik kikkut tamarmik – takornariat kisimik pinnatik – safirinik, rubininik, smaragdinik aligoqqinnillu ujaasisinnaalissapput

Ullumikkut inatsisit malillugit inuinnaat aatsitassanik nalilinnik taaneqartartunik katersisinnaanatillu piiaasinnaanngillat. 

Tamannali allanngungajalerpoq. 

Naalakkersuisut aatsitassanut inatsit allanngortinniarlugu suliaqarput taannalu Inatsisartut ukiaanerani ataatsimiinneranni oqaluuserineqassaaq, taamaalillunilu assersuutigalugu safirinik, rubininik, smaradinik, chrysoberylinik nunarsuarmilu saffiugassat manngernersaannik aligoqqinnik ujaasinissaq inerteqqutaajunnaassaaq. 

Najugaqavissut kisimik
Inatsisissaq aqqutissiuunneqareersimavoq. Inatsisartunimi amerlanerussuteqarluartut nalu
naarutigereersimavaat siunnersuut tapersersorneqartoq. 

Naalakkersuisut naapertorlugit marlussunnik akimmisaarfeqassaaq. Assersuutigalugu nunaqavissut kisimik inatsisip allanngornerani pineqarput; takornariat pinngortitami ujaqqanik erlinnartunik piiaarusulissagunik tamanna taamaallaat pisinnaassaaq angalatitsisoqarluni aaqqissuussinermi, angalatitsisorlu sumiiffimmi pineqartumi annikitsumik aatsitassarsiorsinnaanissaminut akuersissuteqarluni. 

Aamma suli inuinnarnut inerteqqutaassaaq aatsitassanik ulorianartunik piiaanissaaq (taamaaliorusussagaanni). 

Akuersissumik qinnuteqartoqarsinnaasoq
Inatsisissatut siunnersuummi al
lassimavoq piiarneqartussat imaluunniit katersorneqartussat qanoq naleqartigissanersut.

Nalingat ukiumut 100.000 koruuninik sinneqarpat pineqartoq annikitsumik aatsitassarsiorsinnaanissaminik akuersissummik qinnuteqassaaq. Nassaallu taamaallaat nunamit anninneqarsinnaassapput nalingat 25.000 koruunit ataaniippat. Taamaanngippat avammut niuernissamik akuersissuteqartoqarsimassaaq. 

Allaaserisaq tamaat AG-mi uani sapaatip-akunnerani saqqummertumi atuaruk, ullumikkut pisiniarfinni pisiarisinnaalerpat. Aviisi uani aamma pisiarisinnaavat:

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER