Naalagiaqatigiinneq

Aliasoqaluni eqqugaasunut eqqaaniaalluni naalagiarneq

Ilaqutariinnut maqaasineqartunut ataataasoq tussiummik qinnuteqarpoq. Ilunngunartumik alianaatsumik naalagiaqatigiinnermit assit allaaserisap ataani takukkit

Dorthe Olsen Dorthe Olsen Dorthe Olsen Dorthe Olsen Dorthe Olsen Dorthe Olsen Dorthe Olsen Dorthe Olsen Dorthe Olsen Dorthe Olsen Dorthe Olsen

Uummannami inuit arfineq marlunut eqqaaniaalluni naalagiariartorneranni illoqarfik nipaaqaluni seqinnarippoq.

Inuit eqisimaarlutik eqqissillutik oqaluffimmut isaaneranni oqaluffik ulikkaapallappoq. Arlalit ilaqutariinnik pisariaqartitsisunik tapersersuipput, ilaalli aliasoqalutik kisimiillutik oqaluffimmut iserlutik.

Palasip Ludvig Fleicherip naalagiat tigulluarpai eqqaaniaallunilu naalagiaqatigiinneq sivikitsumik kingusinaassoq nalunaarutigalugu. Tassani Naalakkersuisut siulittaasuat, Kim Kielsen aamma Kommuninut, Nunaqarfinnut, Isorliunerusunut, Attaveqaqatigiinnermut Ineqarnermullu Naalakkersuisoq kiisalu biskoppi Sofie Petersenip nalunaaqutaq arfineq marlunut Qaarsunit tikittussaanerat kinguaattuulaarnermut pissuttaavoq.

Kim Kielsen oqaluffimmut iserami Nuugaatsiarmiut oqaluffiup issiaviini saarlerni issiasut orneriarlugit tamaasa assammillugillu eqitaarpai ingammik immikkut eqqugaasut.

Ilaat qiapput, aliasoqaat, tupassimaqaat aammalu eqqugaasunut misiginneqataallutik.

Najukkamilu erinarsoqatigiit "Pavani nuissat ungataanni" appimmassuk sivisuumik tusarneqarsimanngitsumik nipimik tusarnerluinnartumik oqaluffimmi tussialerput. Arlallit tussiummit sequminneqarput tussiutimmi toqusimasut qilammukartarnerannik imaqarmat.

Palasi Ludvig Fleischer aamma biskoppi Sofie Petersen qinoqatigiipput taassuma kingorna arlalinnik tussiaqatigiittoqarluni, ilaatigut "Guutiga Illimmi" atorneqarluni.

Naggataani ilaqutariinnut ilimagineqartumik ajunaarsimasunut ataataasup tussiut ”Annaassisunnguatta asagamisigut”, ajunaarnersuarmi meeqqat misigitinneqarsimanerat pillugu naalagianit atorneqarnissaa kissaatigaa.

Powered by Labrador CMS