Alianarluinnartumik ajunaartoqartoq: Qulingiluanik ukiulik sisunermini qullersuarmut aporluni ajunaartoq
Meeraq qulingiluanik ukiulik Nuup illoqarfiata immikkoortuani Qinngorpumi, aqqusinermi Norsami Pisiffiup tunuatungaaniittumi, kælkinik sisoortilluni qullersuarmut aporpoq, ajunaarlunilu.
Nukappiaraq qulingiluanik ukiulik Nuup immikkoortortaani Qinngorpumi kælkinik sisorartilluni ajutoornermi, ullumi sisamanngornermi ajunaarpoq.
Kalaallit Nunaata Politiivi taama tusagassiorfinnut nalunaaruteqarput.
- Nukappiaqqar ilaat sisorarnerminni qullersuarmut aporput. Ambulancet politiillu piaartumik sumiiffimmukartinneqarput, politiit tusagassiorfinnut nalunaarutiminni allapput.
- Nukappiaraq qulingiluanik ukiulik ajutoornermi aqqunartiterpoq, naallu ajutoorfimmi ikiueqqaartoqaraluartoq, napparsimmavimmiilereerluni toqusimasoq nalunaarutigineqarpoq.
Ajutoortoqartillugu ikiuigasuarneq aallartinneqareerpoq
Ajutoortoqarnerani politiinut ullumi nal. 13.30 nalunaarutigineqarpoq.
Kalaallit Nunaata Politiivi ilisimatitsipput nukappiaqqap angajoqqaavi ajutoorneq ajunaarnerlu pillugit kalerrinneqareersimasut.
Politiit ilanngullugu ilisimatitsipput ajutoortoqarnerata nalaani takunnittut arlaqarsimasut, tassa meeqqap ikinngutai, Qinngorpumilu Pisiffiup tunuatungaani sanaartorfimmi sulisutm takunnissimammata.
- Takunnittunut ikiuigasuartussat oqaloqatiginnittussat ornigussimalerput. Pisoq Kalaallit Nunaata Politiivinit alianarluinnartutut nalilerneqarpoq, pisumilu politiit maannakkut annertunerusumik oqaaseqassanngillat, politiit allapput.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...