Politikki

Aleqap Vittup politikkia iluaraa

Nunatsinni politikkimi nutaaliaanerusumik taaguunneqarnerpaasartut ilaat Aleqa Hammond Siumumiit anisup Vittus Qujaukitsup partiissaanut Nunatta qitornaanut soqutiginnippoq

Folketingimi ilaasortaq Aleqa Hammond ulluni makkunani Uummannami, Ilulissani Upernavimmilu Folketingimi suliaminik nassuiaasoq, politikkimik eqqarsartuunerminik isertuussinngilaq.

AG taama allappoq.

Angalanerami aallartippoq qinersisoqarnissaanik ilimasaarisut ersarissigaluttuinnarfianni, Siumukkormiuugaluartullu isertuutinngilaa Vittus Qujaukitsup partiissaani Nunatta Qitornaani sammisat pingaarnersaat soqutigilluinnarlugu: Piaartumik namminersulivinnissaq.

- Amerlasuut aperisarpaannga Inatsisartunut qinersisoqalerpat qinigassanngortiniarnersunga. Tamanna suli isummerfiginngilara, kisianni inuuvuguna politikkimi eqqarsartoq. Pissusissamisoorpoq Vittus Qujaukitsup partiissamini namminersulierinnissaq pingaartimmagu. Partiinit allanit allaat pingaartinnerullugu. Partiinik nutaanik saqqummersoqartarnera politikkikkut oqallinnermut iluaqutaavoq, Aleqa Hammond AG-mut oqarpoq.

Aleqa Hammondip politikkikkut siunissarisinnaasaa pillugu AG-mi paasisaqarnerusinnaavutit. Aviisi elektroniskiusoq uani ataani linki tooriarlugu pisiarineqarsinnaavoq:

Powered by Labrador CMS