siulittaasunngorniuunneq

Aleqap Kielsen tapersersorpaa

Siumup siuittaasorisimasaata Aleqa Hammondip Kim KIelsen partiimi siulittaasutut nutaatut piumaneruvaa

Aleqa Hammond
Aleqa Hammondip manna tikillugu isertuussimavaa siulittaasutut nutaatut kina tapersersornerlugu. Maanna nalunaaruteqarpoq: Kim Kielsen piumaneruvaa

Sekundit ingerlapput. Siumup Nuummi immikkut ittumik ataatsimeersuarnerani taasisinnaasut 66-it qanittukkut aalajangissavaat kiap Aleqa Hammond, partiimi ajornartorsiortumi siulittaasutut taarsissaneraa. Siulittaasup partiimi ilaasortat qineqqusaarnissamut katersuutsinniassavai, iluatsitsilluarsinnaanini upperalugu.

Suli ilisimaneqanngilaq Lars-Emil Johansen siulittaasutut atorfimmut sunniuteqarluartumut qinigassanngortissanersoq,

Piffissami kingullermi Siumumi politikerit nuimasut siulittaasunngorniartut pingasut ilaannik tapersersuinertik saqqummiuttarpaat. Qinigassanngortittut tassaapput Kim Kielsen, Doris Jakobsen aamma Nick Nielsen.

Maanna siulittaasuusimasoq, atornerluinermik pasillerneqarluni uppititaaasoq Aleqa Hammond, ersarissumik nalunaaruteqarpoq:

Neriuppunga Kim Kielsen Siumumi siulittaasutut ullumi qinigaassasoq, taanna illersortigilluartakkani pillugu facebookimi allappoq.

Ilisimaneqanngilaq Lars-Emil Johansen suniarnersoq.

Aleqa Hammond ataatsimeersuartunut iseqqammerpoq, tassani aallartitaalllunilu taasisinnaatitaalluni.

Powered by Labrador CMS