Skip to main content

Aleqa: Ajugaanertut misigivara

Aleqa Hammond Nunatta Qitornaaneersoq Folketingimi ilaasortaajunnaarpoq. Taamaattoq qinersinermi angusartik naammagisimaarpaa

Nunatta Qitornaata tapersortai amerlanngitsut Nuummi Hotel Hans Egedemi qinersinerup unnukkuata KNR-mi naammassiartornerani malinnaasut partiip qineqqusaartitaa Aleqa Hammond aamma partiip siulittaasua Vittus Qujaukitsoq qineqqusaarneq nalilersorpaat.

- Ajugaanertut misiginarpoq taama taaguunneqartigisimagatta partiitoqqallu taasinertigut unammillernerulersimagatsigit. Angusaq tulluusimaarnarpoq Folketingimut aatsaat siullerpaamik qineqqusaaraluarluta, Aleqa Hammond oqarpoq.

Taasivinni assigiinngitsuni angusat misissuataarpaat, tassanilu erserpoq partii maanna ukioq ataaseq sinnilaarlugu pisoqaassusilik anginerit sisamaattut inissittoq Inatsisartunut qinersinermi partiini mikinersaareerlutik.

- Qinersinermi angusarput imatut paasivara isorliunerusuni illoqarfinnilu arlalinni qinersisartuvut toqqaannaq uagutsinnit oqaluffigineqartutut misigisimasut pingaartitavut tassaammata oqaatsivut, kinaassuserpullu pillugit oqariartuutitallit ilassilluarneqarsimammata, Aleqa Hammond oqarpoq nangillunilu:

- Qineqqusaarnermi politikki kisiat sammivarput. Inunnut ataasiakkaanut tunngasut nukinnik atuiffiginngilagut politikkikkut anguniakkavut eqqartorusunnerugatsigit. Aamma politikkikkut oqallorissuuvugut isumaqarpungalu angusarissaarnitsinnut tamanna pissutaaqataasoq, Aleqa Hammond oqarpoq.

Peqqissiminngilaq

Nunatta Qitornai folketingimut qineqqusaartuni kisiartaallutik ataasiinnarmik qinigassanngortitaqarput partiit allat ikinnerpaamik marlunnik qinigassanngortitsisut.

- Angusassinnut qaffassaataasimassagaluarnerluni Aleqap saniatigut suli allanik qinigassanngortitaqarsimasuugussi?

- Qineqqusaarneq kingumut qiviaraanni peqqissimissutissaqanngilanga, Nunatta Qitornaani siulittaasoq Vittus Qujaukitsoq oqarpoq.

- Inuppassuarnit tusaaniarneqarsimavutut tamannalu assorsuaq qujamasuutigaarput. Aamma pinngitsoorusunngilanga qinigaasut pilluaqqussallugit. Takusinnaavara partiit anginerit kinguaariaateqartut uagullu taakkuunnguatsiarput partiit anginerit taasisartuinik tigooqqaanerpaasimasut. Assut qiimmaallannarpoq partiittalu nukittunerulerseqqinnissaanut nukissamik tunisillutik, Vittus Qujaukitsoq naggasiivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER