Skip to main content

Aleqa peqquserlussimasutut eqqartuunneqarsimavoq

Naalakkersuisut siulittaasuat Aleqa Hammond 1996-imi peqquserluuteqarsimasutut eqqartuunneqarsimavoq. Pisimasoq siusinnerusukkut tamanut saqqummiunneqarsimanngilaq. Taamatut allappoq Berlingske

Naalakkersuisut siulittaasuat Aleqa Hammond 1996-imi peqquserluuteqarsimasutut eqqartuunneqarsimavoq. Taamatut Berlingske arfininngormat allappoq.
Eqqartuunneqaataa pisimavoq 1994-imi decembarimi, taamanikkut Nuummi Hotel Godthåbimi 1995-imi marsip apriilillu ingerlaneranni dankortimi "fluesmækker"-imik taaneqartartumi atortarsimagamiuk. Kontoni imaqanngikkaluartoq. Arfineq-marloriarluni taamaasiortarsimavoq kontumiittuutini 5.100 koruuninik sinnerlugit atorsimallugit.
Taamaammat politiinut nalunaarutigineqarpoq Aleqa Hammondilu peqquserlunnermut paragraf-imik unioqqutitsisimasutut unnerluutigineqarpoq.
Taamatut allappoq Berlingske arfininngormat.
– Pisimasup tamanut saqqummiunnissaa aalajangiussimavarput pissutigalugu Aleqa Hammond Kalaallit Nunaanni politikkimi pisortat nuimanersarimmassuk aammalu qinersisartut paasisariaqarmassuk politikeri inuit qinigaat peqquserluuteqarsimasoq, aviisi tunngavilersuivoq.
Danmarkimi ministeriuneq Helle Thorning-Schmidt taamatut iliuuseqarsimasuuguni ministeriunertut atanngisaannassagaluarpoq, aviisi allappoq.
Eqqartuussissuserisoq Anders Meilvang, Transparency Greenland-ip siulittaasua, oqarpoq peqquserlunnermik pisimasoq assersuutissaaqqittoq kalaallit politikerit atorfillillu siusinnerusukkut ajortuliortarsimanerannut. Taanna isumaqarpoq qinersisartut ilisimasariaqarsimagaluaraat Aleqa Hammond 1996-imi peqquserlussimasutut eqqartuunneqarsimasoq.
– Tamakkua pinngitsoorani ammaffiusussaagaluarput. Qineqqusaarsimagaanni innuttaasunillu sullissilersimagaanni siusinnerusukkut atugarisimasat qinersisartunit tusagassiorfinnillu soqutigineqartarput. Inuimmi inummik taasigajuttarput inuttut pissusaa malillugu, Anders Meilvang oqarpoq.
Berlingskep kingorna Atassutip siulittaasua Gerhardt Petersen oqaaseqartinniarsimavaa, taannalu mail-ikkut akisimavoq partiip Aleqa Hammond suli tapersersoraa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER