Skip to main content

Aleqa: Partiit isumaqatigiissuteqartut naalagaaffeqatigiinneq qajassuutinngilaat

Qanittukkut politiit pillugit isumaqatigiissuteqarnermi naalagaaffimmi politeeqarfiit 2 milliardit koruuningajannik aningaasaliivigineqarput. Politeeqarfiit allat marluk, Kalaallit Nunaata politiivi Savalimmiullu politiivi isumaqatigiissuteqarnermiilaatinneqanngillat. Tamanna Aleqa Hammondip uggoraa

Folketingimi amerlanerussuteqartut politiit pillugit isumaqatigiissuteqarnerat, naalagaaffeqatigiinnermik qajassuussinnginneruvoq, Nunatsinni aamma Savalimmiuni politiit inissinneqarlutik.

Folketingimi ilaasortaq Aleqa Hammond (S), Danmarkimi naalakkersuisut, Dansk Folkepartim Liberal Alliance, Konservative aamma Socialdemokraterne isumaqatigiissuteqareersullu taama isumaqarpoq.

Aningaasat atorneqarnissaat aalajangigaanngitsut
Ukiunut sisamanut atuuttussamik isumaqatigiissut ilaatigut, politiit 300-t sulilersinneqarnerannik kinguneqassaaq, aammalu politiinngorniartarneq sivikillineqassalluni, kiisalu qunutitsinianut akiuiniarnermut 600 millionit koruuninik aningaasaliisoqassaaq.

Illuatungaanilli Kalaallit Nunaanni aamma Savalimmiuni politiinut aalajangersimasumik aningaasartaliisoqanngilaq - aningaasat nunaqarfinni kommunefogedit aaqqiivigineqarnerannut nukittorsaataasinnaagaluartut.

Atugassarititat assigiit
Kalaallit Nunaannik isumaginninngitsumik isumaqatigiissummi arlalinnik kukkussuteqartoq, Aleqa Hammondip oqallissaarummini tikkuarpaa.

Kalaallit Nunaanni Politiit Peqatigiiffiata naalagaaffeqatigiinniatukkat assigiinnissaat piumasaraat. Nunatsinnipolitiit atorfinitsisumit ataasiusumitatorfinitsinneqartarnertik tunngavigaluguassigiimmik akissaateqartitaanissaq assigiinnillu atortorissaaruteqartitaanissaq piumasaraat - ininilu oqoqanngittuni aamma suliffeqarnissaqpiumasaralugu, Aleqa Hammond naqissusiivoq, politiit pillugit isumaqatigiissuteqarnermi nunatsinni politiit qaangiuttoornermut atatillugu akissarsitinneqarnissaat ilaatinneqarmat inissaminiiginnarnerpaa.

Qarasaasiat pitsaanerusut
Taassuma aamma Nunatsinni politiit pitsaasunik qarasaasiaqarnissaat qulakkeerneqarnissaanik ujartuivoq.

Ullumikkut Kalaallit Nunaanni politiit qarasaasiatigut atortorissaaruteqarput qanganisanngorsimasunik.

- Tamanna naalagaaffeqatigiinneq eqqarsaatigalugu naapertuuttuunngilaq, aamma issittumi suliassat annertusiartornerateqqarsaatigalugu, Aleqa Hammond isumaqarpoq.

Nunaqarfiit 14-it kommunefogedeqanngitsut
Aleqa Hammond naapertorlugu, nunaqarfiit 60-iusunit 14-it kommunefogedinik amigaateqarput.

- Allatut oqaatigalugu, meeqqat inersimasullu nunaqarfinni taakkunani najugaqartut inatsisitigut illersugaanikkut ajornerusumik inissisimapput. Tamanna aamma Naalakkersuisut meeqqat inersimasullu pinerliivigineqannginnissaat siunertarlugu pinaveersaartitsinikkut assigiinngitsutigut suliniuteqarnerannutnaapertuutinngilaq,  Siumumi politikeri erseqqissaavoq.

Utaqqineq sivikinnerusoq
Ataatsimut iliuuseqarneq iluaqutaasoq aamma taassuma tikkuarpaa.

Ataatsimoorluni suliniuteqarnerup kinguneraa nunatsinni eqqartuussivinni suliat uninngaannartut ikileriarnerat, taamaakkaluartorliataavartumik uneqattaanngitsumillu sulianik ingerlatsiniarneq suli unammillernartortaqarpoq. Eqqartuussivinni suliat ingerlanneqartarnerisa pitsanngorsaavigineqarnerat kisiat suliarissanngilarput, kisiannili aamma suliniutit aqqutigalugit pinerlunniartarnerit ikilisinnissaatanguniartariqarlutigu. Suliniuteqarnissamullutamatumunnga Kalaallit Nunaanni EqqartuussiviitKalaallillu Nunaanni Politiit aamma aningaasaliiffigineqarnissamik pisariaqartitsipput, Aleqa Hammond naqissusiivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER