Siumut-exit
Aleqa partii nutaaq pillugu: Oqaaseqarusunngilanga
Vittus Qujaukitsup folketingimut ilaasortaq Aleqa Hammond nutaamik partiilioqatigeratarsinnaavaa. Kisianni partiiliornissamik pilersaaruteqarnerlutik Aleqa Hammondip oqaaseqarfigerusunngilaa.
Vittus Qujauktitsoq aamma Aleqa Hammond partiimik nutaamik pilersitsinissamik pilersaarusiorpat?
Folketingimut ilaasortap Aleqa Hammondip ullumi Siumumit anisooq Vittus Qujaukitsoq peqatigalugu nutaamik partiimik pilersitsinissaq oqaloqatigiissutigisimaneraat Sermitsiaq.AG-p apeqqutigaa.
Aleqa Hammondilli apeqqut akinissaa kissaatiginngilaa, Vittus Qujaukitsup aamma Siumumit aninera oqaaseqarfigerusunngilaa.
Atuaruk: Vittus Qujaukitsoq nutaamik partiiliornissaq ilimagaa
Vittus Qujaukitsup partiimik nutaamik pilersitseqataanissani ilimanartorujussuusoq, sismanngornermi ilisimatitsissutigaa.
Vittus Qujaukitsup Siumumi siulittaasunngorniunnermi Aleqa Hammond partiimut ilaasortanngorteqqinnissaa kissaatigalugu ukiormanna oqaatiginikuuaa, 'Aleqa Hammond Kalaallit Nunaata nukissat pisariaqartitaasa ilagimmassuk'.
Siorna folketingimit imaluunniit partiimit tunuarnissani piumasarineqarnerata kingorna, siornatigut Siumumi siulittaasuusimasoq Aleqa Hammond Folketingimi attaviitsunngorpoq.
Atuaruk: Vittup aninera pillugu Kim nipangersimavoq
Atuaruk: Vittup Aleqa uterteqqikkusuppaa