'Nunatsinnut iluaqutissat'

Aleqa nalunaarusiamut qisuariarpoq

Naalakkersuisut Siulittaasuata Aleqa Hammondip aatsitassarsiornermut namminiilivinniarnermullu nalunaarusiaq qanoq qisuariaateqarfigaa?

- Nalunaarusiaq pillugu oqallinnissaq pissanganassaaq, tassami namminiilivinnissaq pillugu oqallinnermi assigiinngitsuniit isummanit oqallinneq pissanganartuaannarmat, Naalakkersuisut Siulittaasuat Siumut oqarpoq

Kalaallit Nunaanni aatsitassarsiortoqarnerani iluanaarutigineqartussat ingasattajaarluni anginaaralunilu eqqarsartoqarsimavoq. Danmarkip Kalaallit Nunaannut tapiissutigisartagaat ukiuni 25-ni tulliuttuni immaqalu aamma siunissami sivisunerusumi suli atorfissaqartittussaassavaat.

Sermitsiaq.AG-ip taanna pillugu Naalakkersuisut Siulittaasuat Aleqa Hammond Siumut oqaaseqartippaat.

- Nalunaarusiaq tigoqqammerpara, qanoq isumaqarfiginerlugu oqaaseqarfiginnginnerani atuarluaqqissaartariaqarpara. Nalunaarusiaq pillugu oqallinnissaq pissanganassaaq, tassami namminiilivinnissaq pillugu oqallinnermi assigiinngitsuniit isummanit oqallinneq pissanganartuaannarmat.

- Nalunaarusiami inaarutigineqartoq suli nalilersinnaanngilara isumaqatiginerlugu isumaqatiginnginnerluguluunniit, atuarluaqqaartariaqarakkumi. Minik Rosing sisamanngornermi ataatsimeeqatigaara, isumaqatigiissutigaarpullu aatsitassat nunatsinnut pingaaruteqartuusut, siunissamilu aningaasaqarnitsinnut pingaaruteqartussaasut isumaqatigiissutigalugu, Aleqa Hammond oqarpoq.

Powered by Labrador CMS