Aleqa: Inuit-Jiisusiaat taartumi uannut qaamaneruvoq

Aleqa Hammond 20-nik ukioqarluni ilagiit naalagaaffiup tapersersugai qimappai, ukiut marluk matuma siorna Siumumi politikeri Aleqa Hammond ilannguteqqissalluni aalajangerpoq.

Tamanna Kristeligt Dagbladimut, folketingimut ilaasortanik sisamanik kristumiuussuseq pillugu apersuisimasumut oqaluttuaraa.

Oqilisaat
- Oqaluffimmi malugisarpara takuneqarsinnaanngitsumik ikiugassaanertunga nakkutigineqartunga najorneqarlungalu. Taamaattoqanngippat naluara suminngaanniit nukissamik taamak annertutigisumik pissarsisinnaanerlunga. Oqaluffimmiillu anigaangama oqaluffiliarninnit nuannaarnerujussuullunga anisarpunga. Sivisuumik sinissimanerminngaanniit allaanerujussuarmik qasukkartittarpaanga, aviisimut taanna oqarpoq.

Inuit-Jiisusiat
Kalaallit kristumiuussusaat immikkut ittuusoq, Aleqa Hammond isumaqarpoq.

Kalaallit allat assigalugit inuit-Jiisusiannut upperisaqarpoq - Jiisusi Issittumeersoq - kalaallinut inuiannut asannittoq.

Ilarput
- Nammineq ilatsitut pissusilersortittarparput, Jiisusi nalunngisatsitut Nazaratsimeersutuunngitsoq. Nunarsuarni piffinni issinnerpaat ilaanni inuuvugut, kristumiuussutsillu ulluinnarni inuunitsinnut taartumi qaamanermik aamma kialaarnermik sunniutigisartagai pingaaruteqartorujussuupput. Inuit-Jiisusiat timmissat kujammut tingereeraanga, anorersuillu takkukkaangata uatsinniittarpoq. Inuit-Jiisusiat taarnersami uanni qaamaneruvoq, taanna Kristeligt Dagbladimut oqarpoq.

Atuaruk: Danmarkimi palasit ataatsimik ilapput