Skip to main content

Aleqa Hammondip Wikipediami allagarsiussaani piiaasoq

Christiansborgimi qarasaasiap pingasunngornermi ullaap tungaani Wikipediap Aleqa Hammondimut allagarsiussaata ilaa piiarpaa

Ulluinnarni sumiiffiit allat assigalugit nittartakkami aamma suut ullormut oqaluuserineqassanerinik aammalu suna eqqortuunersoq eqqunnginnersorlunniit unammilleqatigiittoqartuarpoq.

Tamanna unammineq ippassaq pingasunngornermi Nunatta politikeriisa nuimanerit Wikipediami quppernerani erserpoq.

Tassami immikkoortut Hammondip iliuuserisimasai tulluusimaarutissaavallaanngitsut allagarsiussamit qallunaatoortaani ullaap tungaani nalunaaqutaq 10:15 Christiansborgimi IP-adressemit peerneqarput.

Immikkoortut pingaarutillit peerneqartut
Aaqqissuinerup kingorna Siumumi politikerip naalakkersuisuni siulittaasuunermini, Nunap karsianit 100.000 koruunit nammineq aningaasartuutiminut atuisimanera, aammalu 1995-mi arfineq-marlunnik akiliinermik peqquserlusimanerminik nassuerutiginninneranik allaqqasueruppoq.

Nunarsuami leksikonit annersaat kikkunnit tamanit allanngortiterneqarsinnaanera peqqutigalugu, IP-adressenik nalunaarsuillunilu nammineq saqqummiussisarpoq, allaatigisat allanngortiterneqareeraangata.

Borgimi issiasoq
IP-adresse tassaavoq internetsikkut normunik adresseq, qarasaasiat arlaqartut attavimmut ataatsimoorussinnaasagaat, IP-adressillu isertortuunngillat nittartakkakkullu ujarneqarsinnaallutik.

Qarasaasiakkut WHOIS-imik taagukkap ikkunneqartup takutippaa, Hammondip leksikonimi allaaserineqarneranik allanngortitsisoq, Teliamut 'Folketinget, Danish Parliament'-imut attaveqartup allanngortissimagaa.

Wikipediami nammineq allaaserineqarnerup allanngortiternissaa soqutiginarsinnaasoq takorloornarsinnaavoq, Danmarkimilu politikerit allat siornatigut allaaserineqarnertik allanngortitertillugu paasisaasareernikuupput.

Nammineq allanngortiterinnginnerartoq
Taamaammat Sermitsiaq.AG Hammonfimut aamma folketingimi allattoqarfiani tallimanik inuttaqartumut attaveqarpoq.

Siumut allattoqarfiata saaffiginnissut suli akinngilaa, Aleqa Hammondilli sisamanngornermi ullaakkut nammineq leksikonimi tassani qallunaatuaani allanngortiterisimannginnerarpoq.

- Nittartakkatsigut tuusiintilikkuutaanik alakkarneqartarpunga, aammalu uannut tunngasunik atuarnissannik imaluunniit allaaserisanik allanngorterinissamut pingaarnerusunik suliassaqarpunga, Sermitsiaq.AG-mut oqarpoq.

Allaaserisaq allanngoqqereertoq
Wikipediami allaaserisaq kingusinnerusukkut arlaleriarluni IP-adressinik assigiinngitsunik arlalinninngaanniit allanngortinneqaqqereerpoq.

Kisianni uani ataani linkimi takuneqarsinnaassaaq, pingasunngornermi Christiansborgimit suut allanngortiterneqarsimanersut.

Wikipedia.org-imi qarasaasiamik Folketingimiittumit allanngortitsinerup assigiinngissutai uani takukkit

Aamma atuaruk: Naajaat Wikipediap saqqaani

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER