Skip to main content

Aleqa Hammondip inatsisissatut siunnersuutaa kamaatigineqarpoq

Inatsisip allannguutissaanut tunngavilersuut innuttaasunit ilisimasaqarneruniartutut paasisariaqarpoq, ilisimatuut ngo-llu isumaqarput

Aatsitassanut inatsisip allannguutissaatut siunnersuut ilisimatuunit, kattuffinnit inatsisilerituunillu arlallit sakkortuumik isornartorsiorneqarpoq.
Naalakkersuisut siulittaasuat Aleqa Hammond, Siumut, inatsisissatut siunnersuuteqarpoq. Taanna akuersissutigineqassappat aatsitassarsiornermik suliniutini innuttaasut qaqugukkut takunnissinnaanermik qinnuteqarsinnaanerat allanngortinneqarsinnaavoq.
Pingaartumik aatsitassanut atatillugu takunnissinnaanerup allanngortinniarneranut tunngavilersuut isornartorsiuisut isigaat amigaatilittut piviusorsiunngitsutullu.
Inatsisissatut siunnersuummut oqaaseqaammi piffissaq, innuttaasut, ngo-t tusagassiorfullu takunnissinnaanermut qinnuteqaataannut atorfillit atortariaqagaat, erseqqissaatigineqarpoq. Piffissaq ilaatigut atorneqartussaq pappialarpassuit teknikkikkut paasiuminaatsunik imallit, uuliasioqatigiiffiit aatsitassarsiorfiillu nassiussaasa akineqarnissaannut, assersuutigalugu akuerineqarnissamik, akuersissutinik qinnuteqaateqarneranni, imaluunniit missingersuummut apeqqutaannut.
´Pappialat tiguneqartut eqaatsumik sukkasuumillu suliarineqarnissaat eqqarsaatigalugu siunnersuutigineqarpoq piffissaq takunnissinnaanermut qinnuteqarfissaq kinguartinneqassasoq aalajangiisoqareernissaanut imaluunniit suliassap unitsinneqareerneranut. Taamaasilluni piffissaq ilaatigut atorneqarsinnaalluni pappiaqqat tusarniaanissamut piareersarnerannut, suliassat takunnissinnaanermut qinnuteqaatit, pappialat kingorna saqqummiunneqarfissaanni, isummerfiginagit´, inatsisissatut siunnersuummut oqaaseqaammi allassimavoq:
– Taamatut isiginninneq allatut paasineqarsinnaanngilaq innuttaasunit ilisimasaqarnerusorineq, tassa imaasillugu politikerit qinigaagaangamik taava innuttaasut sunniuteqarunnaarsineqartarput tullianik qinersinissap tungaanut, Anita Hoffer oqarpoq, taannalu ingerlatsivimmi Transparency Greenlandimi, peqquserlunnerit pissaanermillu atornerluinerit pinngitsoorniarlugit ammanerunissamik suliniuteqaertumi, siulittaasoq.

Qaavatigut titartuisarnersuit
Uuliasiornermik aatsitassarsiornermillu suliniutinut takussutissat, siusinnerusukkut innuttaasunut tunniunneqartartut qaavatigut titartornerpassuaqartarsimapput.j Taamaasiortoqartarsimavoq ilaatigut paasissutissat ingerlatsivimmut tunngsut isertuunniarlugit, isumannaatsuuneq pissutigalugu imaluunniit namminersorlutik oqartussat isumaqatigiinniarnermi inissisimanerat pissutigalugu.
Inatsisissatut siunnersuummut oqaaseqaammi allassimavoq pappialat tamakkua qaavatigut ima titartornerpassuaqartartigaat atorneqarsinnaarpiaratik. Imaluunniit qaavatigut titartornerpassuaqartarnerannut tunngavilersuutitut allassimasutut, takussutissat ´qaqutiguinnaq innuttaasunut paasissutissanik tunniussisarput´.
Pingaartumik tunngavilersuut tamanna isorinnittut ajuallaatigaat. Tamakku isumaqarput innuttaasut namminneq aalajangertariaqaraat pappialat tamakku titartornerpassullit atorsinnaanerlugit atorsinnaannginnerlugilluunniit.
– Tunngavilersuut ingasaatilaassagaanni tunngavilersuut nipaqarpasippoq oqartussaasut kissatigiinnaraat innuttaasut pakatsisinneqartannginnissaat, pappialanik takussutissanik qinnuteqaraangamik qaavatigut titartornerpassualinnik pigaangamik Tunngavilersuut tamanna upperinngilara, Klaus Georg Hansen, Ilimmarfimmi instituttimi pisortaq oqarpoq.
Inuiaqatigiilerinermik ilisimatooq Birger Poppel isumaqataavoq.
– Naleqqunnerusimassagaluarpoq oqartussaasut innuttaasunut nalilersippassuk qanoq paasissutissinneqartarnerminnut isumaqarnersut, taanna oqarpoq.
Tamanna pillugu Sermitsiami annertunerusumik atuarit. Aviisi pisiariuk uani:
 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER