Politik
Aleqa Hammondip DF-meersoq 'akerlerisatsialattut' toqqarpaa
Dansk Folkepartip Kalaallit Nunaat pillugu oqaaseqartartuata Folketingimi Nunarput pillugu oqallinnermi akuliunnissani qunuginngilaa, tamannalu pitsaasuusoq, Aleqa Hammond isumaqarpoq
Søren Espersen politikkikkut akerlerisanni isumassarsinarnerpaavoq.
Siumup folketingimut ilaasortaatitaa, Aleqa Hammondi ullumi Altingimit qallunaat politikkiat pillugu nutaarsiassaqartitsivimmi apersorneqarluni taama oqarpoq
Altingemi atuaruk: Juleinterview med Aleqa Hammond
- Taassuma oqaatiginiakkama killormoortoqqinnaavi oqaatigisarpai. Quianartunik Kalaallit Nunaat kalaallillu pillugit tulluanngilluinnartunik eqqarsartaaseqarpoq. Kisianni Kalaallit Nunaat pillugu oqallinnerni pimoorussilluni peqataasarpoq, taanna oqarpq.
Avannaaneersoq arnaq nukittooq
Altingemi Hammond apersorneqarnermini Elisabeth Johansenimut ataqqinninnerujussuani eqqaavaa, taanna Nunatsinni arnani politikerit siullersaraat.
- Taanna nunarput nammineq aqussagipput annertuumik oqariartuuteqartarsimavoq. Akisussaaffimmik nammineq tigusinissamik aammalu pingaartitagut salliutissagigut oqariartuuteqartarsimavoq. Aammalu angutit qanoq iliortarnissaannik naalakkiisarsimavoq, pissutsit ajunnginnerpaamik aaqqiivigeqqullugit.
- Tamanna aqqutissiuineruvoq tupinnarlunilu.
Hammond aamma nammineq politikkikkut maligassiuisuuvoq, juullip inuata sannaveqarfianit Uummannameersoq.
Taassumalu tusagassiortumut eqqaamaqquaa, juullip inua Kalaallit Nunaanneersuusoq, nammineerlunilu 'nissiaraasoq' juullimik nuannarisalik.
Atuaruk: Aleqa: Inuit-Jiisusiaat taartumi uannut qaamaneruvoq