Aleqa Hammond Siumumut uteqqippoq
Siumut siulittaasuaniit partiillu siulersuisuuneriniit Aleqa Hammond saaffigineqareerluni partiitoqqaminut uteqqinniarluni aalajangerpoq. Tamanna Facebookimini paasissutissiissutigaa.
Aleqa Hammond partiittoqqaminut uteqqippoq. Tamanna nittartakkakkut attaveqaqatigiiffimmi paasissutissiissutigaa.
- Siumup siulittaasuanit saaffigineqarlunga kingornalu siulersuisuunerit isumaqatigiittut Siumumut uteqqinnissannut tikilluaqusinerisigut ippassaq Siumumut uterpunga, Aleqa Hammond Facebookimini taama allappoq.
Arlaleriarluni aningaasanik atornerluisoqareersorlu Aleqa Hammond 2016-imi Siumumiit peersitaavoq. Siumumi siulittaasuusimasup Kim Kielsen taamani Aleqa Hammondip anisariaqalersoq aalajangiuppaa.
Aleqa Hammond attaviitsutut Inatsisartuni ilaasortaalerpoq 2018-imilu Inatsisartunut qinersinermi Nunatta Qitornai tunuliaqutaralugu qineqqusaarpoq. Nutta Qitornai 2018-imi Vittus Qujaukitsumiit pilersinneqarpoq. Taamani 698-inik taaneqarluni Inatsisartunut ilaasortanngorpoq.
Maanna apriilip 16-ani 278-inik taaguunneqarpoq.
