Skip to main content

Aleqa Hammond seeqqummerfigitittoq

Aleqa Hammond, attaviitsoq aamma Folketingimi ilaasortaq, ukiup nutaap ulluani siullermi tupaallatsitaavoq, tassa ukiuni arlalinni aapparisaata, eqqartuussivimmi illersuisup Tom Ostermannip katikkumalluni aperimmani.

Januaarip aallaqqaataat ukiortaajuinnarani Tomip aamma inuuigaa aamma inuuia nalinginnaasuunngilaq, tassami 50-inik ukioqalerami, taamaalillutillu qaaqqusarpassuarnik isersimasoqarlutik.

- Tomip erinarsuut nuannarisarput, pigaara ilunni assit, erinarsoqatigiinnut Nipikkunnut erinarsortikkamiuk tamatumalu kingorna oqalugiarfigalunga, uannut asanninnini marluullutalu misigisarsimasavut oqalugiaatigalugit. Tulliullugu seeqqumiarluni katikkumanerinni aperaanga. Nuannaarnerup qulliinik qullilillunga aallartippunga. Qaaqqusat tamarmik aamma qiasut malugisinnaavara aamma uattulli killitsisimaartigisut, Aleqa Hammond pilluaqisoq AG-mut taama oqaluttuarpoq, taassumali katikkumaneqarnerminut akuersinnginnermini Tom inussiarnersumik mianersoqqussuteqarfigaa.

- Oqarfigaara arnaallunga erseqqissunik isummertartoq nuliaralungalu oqitsuinnaanavianngitsoq. Taamaattorli asasorujussuuara katikkumaneralu ataqqinnilluinnarlunga akueralugu.

Ulloq katiffissaat suli aalajangerneqanngilaq, 2018-ili ukiuusussaavoq ilaqutariinni angisuunik pisoqarfiusussaq, aappariillu ukioq manna katinnissaat ilimananngikkallarluni.

Aviisi AG saqqummertoq kingulleq atuaruk, tassani sapaatip akunnerani Henrik Sandgree, KNAPK-p siulittaasua apeqqarissaarfigineqarpoq. Uani ataani linki toorlugu aviisimut isissutissarsigit:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER