Aleqa Hammond Nunarput pillugu ataatsimiititaliami siulittaasunngorpoq

Aleqa Hammond (UP) Nunarput pillugu Folketingimi ataatsimiititaliami ullumimit siulittaasunngorpoq.

Taanna tusagassiuutinut nalunaarummi taama ilisimatitsivoq.

Taamaalilluni Marcus Knuth (V) ataatsimiititaliami siulittaasutut taarserpaat, naalakkersuisusoqataasut Venstre isumaqateqarfiginerisa kingorna.

Atuaruk: Aleqa Hammond: Pisinnaatitaaffigut Danmarkip unioqqutippai

Danmark aalajangiisuussaanngilaq
- Nunarput siunissi pillugu nammineq aaliangiisuusuassaaq. Politikkikkut sulininni Nunatta nammineerluni aalajangiisinnaassutsi pigisuassagaa sorsuutigiuarsimavara, tamannaavorlu aamma Nunatsinnit Folketingimi ilaasortaaninni anguniagarissallugu tunaartarisara, tusagassiuutinut nalunaarummi taanna allappoq.

Danskit folketingimut ilaasortat nunatta tamakkiisumik akisussaaffiinut akuleruttaarlutik politikkimik ingerlatsissasut, Aleqa Hammond isumaqanngilaq.

- Soorlu uanga aamma isumaqanngitsunga tamakkiisumik danskit akisussaaffigeriingaanni akulerussuussissasunga, soorlu uani kina naalakkersuisut siulittaasuussanersumut
aaliangersaallunga tamanna isumaqarama danskit iluminni aaqqitassarigaat, Aleqa Hammond (UP) oqarpoq.

Atuaruk: Hammond: Pitsanngorsaasoqassasoq naatsorsuutigaara