Folketingi
Aleqa Hammond: Aqutsineq tigussavarput
- Kalaallit Nunaat naalagaaffeqatigiinnerup arfanniarneq pillugu isumaqatigiinniartarnerini kiisalu Kalaallit Nunaat Issittorlu pillugit nunanut allanut politikkikkut isumaqatigiinniarnerni aqutsisuusariaqarpoq, Aleqa Hammond isumaqarpoq
- Arfanniarnermut nunanullu allanut tunngasuni qallunaat qulaatiinnarluta iliuuseqartarunnaarlutillu aalajangiisarunnaartariaqarput. Akisussaaffinnik tunulliussipput, suliassanilu ataatsimoorfissaraluatsinni peqataatinneq ajorluta, Folketingimut ilaasortaq Aleqa Hammond oqarpoq.
- Tamanna sakkortuumik akiorniarpara. Naalagaaffeqatigiittuartilluta Kalaallit Nunaata annertunerusumik angusaqarniarluni sulinera qallunaat paasillugulu soqutigisariaqarpaat, aammalu ataqqillugulu peqataaffigisariaqarpaat, taanna nangilluni oqarpoq.
Atuaruk: Qilalugarniarnermut malittarisassat Namminersorlutik Oqartussat eqqaasitsissutigaat
Isumaqatiginninniarnermut aqutsisuusariaqartoq
- Danmark, naalagaaffeqatigiinneq sinnerlugu arfanniarneq pillugu isumaqatigiinniarnerni isumaqatigiinniartuusarpoq, naak uagut kisitta naalagaaffeqatigiinni angisuunik arfanniartuusaraluarluta. Isumaqatigiinniarnerit isumaqatigiinniarnermi ingerlatsisup periusai misigissusaalu aallaavigalugit nalaatsorneruallaartumik ingerlanneqartarput, Aleqa Hammond naliliivoq.
Danmarkip sooq Kalaallit Nunaat naalagaaffeqatigiinneq sinnerlugu isumaqatigiinniarnerni aqutsisunngortikkumannginnera aamma apeqquserpaa.
Atuaruk: Nuup saavani arfanniarneq oqallinnermik pilersitsisoq
- Naalagaaffeqatigiinnermik peqataasunut tamanut naligiiffiunerusumik ingerlatsisoqarsinnaagaluarpoq, oqarpoq.
Nunanullu allanut tunngasuni politikki eqqarsaatigalugu aamma isumaqarpoq, Issittoq oqaluuserisassani eqqartorneqaleraangat Danmarkip Kalaallit Nunaata isumaqatigiinniarnernut peqataatinnissaa ulapputiginngisaannaraa.
Tamatumani Danmarkip USA-llu akornanni, Danmarkip EU-llu akornanni, Danmarkip nunallu allat soorlu Kinap akornanni, isumaqatigiinniarnerit pineqarput.
Allaaserisaq tamaat Sermitsiami sapaatip akunnerani saqqummertumi atuaruk. Aviisi uani aamma pisiarinissaanut periarfissaqarputit: