Folketingi
Aleqa: Camp Centurymi iluarsaassineq isumagineqarli
Aleqa Hammond (UP) Folketingip ammarneqarnerani oqallinneq, Amerikamiut sermersuup ataanut qimassimasaannut mingutsitsisumut apeqquteqarnermut atorpaa
Folketingip ammarneqarnerani oqallinnermi, sakkutooqarfiusimasumi Camp Centurymi Pituffiup kangiani 240 kilometerisut ungasitsigisumiittumut apeqqut, Aleqa Hammondip sammisani siulliit ilaattut oqaaseqarfigaa.
Atuaruk: Misissuineq nutaaq: Sakkutooqarfik atomreaktorilik sermimit saqqummissaaq
Aasap ingerlanerani ilisimatuussutsikkut paasisat pillugit aviisersuaq Geophysical Research Letters saqqummiussaqartup, qinngornernik radiup qinngornerinik ulorianartunik aamma eqqakkanik toqunartunik akullit ukiuni 90-ini tulliuttuni sermersuarmit nuisoqaratarsinnaanera uppernarsarpaa.
Danmark eqeersimaanngilaq
Tassunga atatillugu Aleqa Hammondip qallunaat naalakkersuisui suliamut iliuuseqarsimannginnerarlugit isornartorsiuivoq.
- Camp Centurymi aammalu danskit sakkutooqarfikuini saliinissaq Nunatsinnit politikkikkut kissaatigineqaqaaq, ajoraluartumilli danskit tungaanniit soqutiginninneq ersinngilaq, taanna oqalugiarnermini oqarpoq.
Atuaruk: Camp Century: Kristian Jensen (V) iliuuseqarnissamik neriorsuivoq
Amerikarmiut iliuuseqaqqusigit
Ministeriunermut Lars Løkke Rasmussenimut (V) toqqaannartumik oqarluni, suliaq pillugu Amerikamiut piaartumik attavigineqartariaqartut oqariartuuteqarpoq.
Atuaruk: Sakkutooqarfikumi mingutsitsineq pillugu Sara Olsvig akissutiserusuppoq
- Ministeriuneq toqqaannartumik aperiumavara Camp Centurymi ajornartorsiutaasut pillugit amerikarmiunut toqqaannartumik saaffiginninniarnersoq saliititsinissamillu piumasaqarniarnersoq qulakkeerlugulu naalagaaffeqatigiinnerup iluani paaseqatigiiffiusumik toqqissisimanartunik atugassaqartitsinissaq.
Atuaruk: USA-p sermersuarmi eqqagai eqqissiviilliortitsipput
Nammineq paasinninnini naapertorlugu, Amerikamiut Kalaallit Nunaanniinnerannit Danmarki pissarsiaqarnerpaasoq tikkuarpaa.
Atuaruk: Lidegaard: Camp Centurymi imikoq ulorianartoqanngilaq
- Amerikarmiut nunatsinniinnerat inuiaqatigiinnut uatsinnut iluaqutaanganngilaq, taanna naqissusiivoq.