Skip to main content

Albert Eriksen toquvoq

Palasi Albert Eriksen, Aalibammik taaneqartartoq, 79-nik ukioqarluni toquvoq

Albert Eriksen ilaginni inoqarfinni assigiinngitsuni Qaanaamiit Illoqqortoormiut tikillugit sullissisimasoq tallimanngormat Skjernimi angerlarsimaffimmini toquvoq sivisuumik napparsimareerluni. Ilaqutai taama ilisimatitsipput.

Aalibak Eriksen Ilulissat avannaani Saqqami 1935-mi inunngorpoq Ilinniarfissuarmilu ilinniarnini naammassereerlugu ilinniartitsisutut ajoqitullu sulereerluni 1974-mi palasinngortinneqarpoq. Ilagiinni sullissinera pisimavoq Qeqertarsuatsiaani, Ittaajimmiit Illoqqortoormiut eqqaanni, Sarfannguani, Kuummiuni, Qasigiannguani, Uummannami, Qaanaami, Paamiuni, Sisimiuni, Nuummi aamma Ilulissani.

Sumiiffinni najugaqarfigisamini peqatigiiffilerinermi suleqataasarsimavoq. Aamma sumiiffinnit oqaluppalaat oqaluttuatoqqallu tunumi Qaanaamilu immiuttarsimavai KNR-kkut aallakaatinneqartarsimasut. Aammattaaq tussiutit pillugit ataatsimiititaliami ilaasortaasimavoq.

Aalibak nulialu Birgithe 2000-mi Skjernimut nuupput qitornaannit arfineq marluusuni marluk tassani ullumikkut najugaqartut qallattorlugit.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER