Akutaanerup nunanut allanut nuunnissani siunniuppaa
Kalaallit assammik arsartartut nunanut allanut unammisartuini unammeqataasartoq Akutaaneq Kreutzmann allanik misigisaqarusulluni maanna klubbini Nordsjælland Håndbold aasaru qimattussanngorpaa
Nordsjælland Håndboldimi unammisartoq 29-nik ukiulik Akutaaneq Kreutzmann nutaanik aasarumit misilitassaqartussanngorpoq.
Tassami Nordsjælland Håndboldimi unammisartuujunnaassaaq aasarumit, tamanna Sermitsiaq.AG-mut oqaatigaa.
- Allanik misilitaqarusullunga aalajangernikuuvunga. Danmarkimiikkunnaarlunga nunani allani misileerusuppunga, Akutaaneq Kreutzmann oqarpoq, taanna Nordsjælland Håndboldimi 2017-mili unammisartuuvoq.
Nunani allani misileerusunneq
Nunani allani unammisartoorusulluni misilikkusuttarlugu oqaatigaa.
- Nunanut allanut nuunnissannut periarfissaqartarnikuuvunga siornatigut, kisianni piffissaaneq ajormat akuerisarnikuunngilakka. Kisianni maannakkut misigisimavunga piffissanngortoq allamik misiliinissaq, tassami ukiuni 13-ni Danmarkimi unammisarpunga, maannalu piffissanngorpoq Danmarkip avataani unammisartuulernissaq. Assammik arsartartuujunnaaruma Kalaallit Nunaannut uterniarpunga, taannalu nallertinnagu nunani allai misileerusuppunga, Akutaaneq Kreutzmann oqarpoq. Aasareerpat sumi unammisartunngussanerluni suli ilisimanagu ilisimatitsivoq.
Nordsjælland Håndbold Danmarkimi håndboldligami aqqarngattut maanna inissisimavoq. Ataasinngormat KIF Koldingimut unammigamik 26-24-mik ajugaapput, unamminermi Akutaaneq Kreutzmann marloraarpoq.