Skip to main content

Akutaaneq timmisartumut ilaanngitsoorpoq - GOG pakatsivoq

Akutaaneq Kreutzmann sisamanngornermi Mexico Citymit Danmarkimut utertussaagaluarpoq. GOG-p TMS Ringstedimut unamminerput pingaarutilimmut peqataasinnaajunnaarpoq

Kalaallit assammik arsartartui Mexicomut unammineranni unammineq naajartulersoq Akutaaneq Kreutzmann unamminermi peqataajunnaarsinneqarpoq ingerlaannarlu timmisartoqarfiliaanneqarluni. Akutaaneq Kreutzmann tallimanngornermi Danmarkimut apuutereersimasussaagaluarpoq, GOG-llu akunnerup naanerani pingaarutilimmik TMS Ringstedimut unammeqataasussaagaluarluni. GOG-p pikkorinnerit arfineq-pingasunut akuunissaanut peqataaniarnera pissutaalluni unammineq pingaaruteqarpoq. 

Kisiannili Akutaaneq Kreutzmann timmisartumut ilaanngitsoorpoq. Assammik arsartartut kattuffiannit Kurt Lauritsen tusagassiutinut nalunaaruteqarpoq. 

- Akutaaneq Kreutzmann piffissaq eqqorlugu timmisartoqarfimmut apuukkaluarpoq, ajornartorsiutilli tassanngaannit takkussuutilerput. Hollandimiut timmisartuutileqatigiiffiat KLM timmisartumut isissutissanik pappilissanik ajornartorsiuteqaleriasaarpoq nassuiaatissaqanngitsumik. KLM-imi sulisut sisamat ajornartorsiut akunneq ataaseq sinnerlugu suliarigaluarpaat, Akutaaneq Kreutzmannili timmisartumut ikisinnaasimanngilaq. Nalunaarutigineqarporli Akutaaneq Kreutzmann tallimanngornerup unnukkuani Mexico Citymit aallarsinnaassasoq. GOG-lli TMS Ringstedimut unamminissaa naammattoorsinnaanavianngilaa.

GOG pakatseqaaq
GOG-mi sungiusaasup Jakob Larsenip pakatsissutigaa TMS Ringstedimut Akutaaneq Kreutzmann peqataasinnaajunnaarmat. 

- Assammik arsartartut kattuffiannut isumaqatigiissusiornikuugaluarpugut Akutaaneq Kreutzmann arfininngornermi unamminissatsinni uagut peqataatinniarlugu.

- Isissutissaq piinnarlugu timmisartumut peqataasinnaannginnera upperinngilara. Mexico City nunarsuarmi illoqarfiit annersaasa ilaraat. Upperisinnaanngilara isissutissamut pappiaraq peqqutaasimanissaa. Allanimmi timmisartuutileqatigiiffinnik Europaliartoqarneq ajorami? Assammik arsartartut kattuffiata pisoq pitsaanerusumik ingerlassimasinnaagaluarpaa, tamanna pakatsissutigaara. 

GOG ugguarpoq
Akutaaneq Kreutzmannip anngunniunnerni peqataanissaa pisortatsinnut innersuunnikuuara, pisortattalu klubbimi siulersuisut Akutaaneq Kreutzmannip aallarnera eqqortuusutut paasitillugit. Kalaallit Nunaata assammik arsartartuinut ikiuinerput nuannaarutigaarput, ugguaraarpulli Akutaaneq Kreutzmann aallartikkatsigu. Kalaallit assammik arsartartuinut uagutsinnullu pisoq uggornarpoq, Akutaaneq Kreuzmannimi unammilluaqattaaqaaq, Jakob Larsen pakatseqisoq Sermitsiaq.AG-mut oqaluttuarpoq. 

Sermitsiaq.AG assammik arsartartut kattuffiannit oqaaseqartitsiniarluni sulissuteqarpoq.  

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER