assammik arsarneq

Akutaaneq Kreutzmann GOG-mi unammisartuujunnaassaaq

Assammik arsartartup sumi unammisartunngussanerluni suli oqaatigiumanngikkallarpaa

Akutaaneq Kreutzmann venstre backimi unammisartoorusuppoq - tassani klubbissamini unammisartuussaaq
Sumi unammisartunngornissani suli isertuukkallarpaa
Akutaaneq Kreutzmann venstre backimi unammisartoorusuppoq - tassani klubbissamini unammisartuussaaq Knud Fl. LarsenSumi unammisartunngornissani suli isertuukkallarpaa Knud Fl. LarsenAkutaaneq Kreutzmann venstre backimi unammisartoorusuppoq - tassani klubbissamini unammisartuussaaq Knud Fl. LarsenSumi unammisartunngornissani suli isertuukkallarpaa Knud Fl. LarsenAkutaaneq Kreutzmann venstre backimi unammisartoorusuppoq - tassani klubbissamini unammisartuussaaq Knud Fl. LarsenSumi unammisartunngornissani suli isertuukkallarpaa Knud Fl. Larsen

26-nik ukiulik Akutaaneq Kreutzmann GOG-mi ukiuni pingasuni unammisartooreerluni nutaanik misilittagaqalerniarluni aalajangerpoq.

Nunanut allanut unammisartup sumi unammisartunngussanerlunili suli oqaatigiumanngikkallarpaa.

Venstre back
- GOG-miinnera nuannarisorujussuuara, tassani Minik Dahl Høegh aamma Jakob Larsen suleqatigilluartorujussuuakka. Aamma unammisarfipput GOG Arena nuannarisorujussuuara, taamaammat timersoqatigiiffik puigornavianngilara, Akutaaneq Kreutzmann oqarpoq.

- Venstre backimi unammisartoorusunnera isertuutinngilara. Inissisimaffimmi tassani pitsannerpaamik unammisarpunga. GOG-mi tassani inissisimasinnaanngilanga, talerpiata tungaaniititaasarama. Unammisartuulerfissanni venstre backitut unammisartuulersinnaassaanga, nassuiaavoq.

Isumaqatigiissut
Akutaaneq Kreutzmannip unammisartuulerfissaani unammisartumik isumaqatigiissuteqarpoq, tassami venstre backitut unammisartuulissaaq, unammeqataalluartassaaq aningaasaqarnerullu tungaatigut pitsaasumik isumaqatigiissuteqarluni.

Aamma Akutaaneq Kreutzmannip GOG-miikkunnarniissaa naatsorsuutigineqareerpoq. Tassami timersoqatigiiffimmut isumaqatigiissutaa ukiumik ataasiinnarmik sivitsorneqarpoq ukioq kingulleq.

Isertuukkallarpaa
Taamaakkaluartoq sumi unammisartuulernissani oqaatigiumanngikkallarpaa. Kisianni Danmarkimi unammisartuuginnarnissaa paasissutissat takutippaat.

Akutaaneq Kreutzmannip GOG-mi unammisartuunini naggaserluarusuppaa.

- Final4-mi unammisaqattaartussaavugut februaarimi. Pokalimi pissartanngoqataarusuppunga. Pitsaasumik angusaqarlunga timersoqatigiiffik qimakkusuppara, oqarpoq.

Assit ataani takukkit

Powered by Labrador CMS