assammik arsarneq

Akutaaneq Kreutzmann ajorsarnermi arfineq-marloraartoq

KIF Kolding København sisamanngornermi unnukkut Ribe Esbjerg HH-mut sapernarpallaarput

Akutaaneq Kreutzmann muminnermi

Ribe Esbjerg pokalinnanniulluni kvartfinalimi Blue Water Dokkenimi målinik arfinilinnik 24-30-imi KIF Kolding Københavnimut ajorsarmat, Akutaaneq Kreutzmann piffissami sivisuumi arsaqataavoq.

Minutsi 13-iunngitsut unammereernermi Akutaaneq Kreutzamann pingasoraarpoq, KIF Kolding Københavnillu måliniittuata Kasper Hvidtip marloriarluni annaasinermini kalaaleq nunanut allanut unammisartoq arsarluartoq unitsippaa.

Akutaaneq Kreutzmannimut Ribe Esbjergimilu unammisartut sinnerinut ajoraluartumik, KIF Kolding Københavnermiut sisamanngornermi unnukkut arsarluartupilussuupput, taamaalilluni Ribe Esbjerg ingerlalluaraluartut ajorsartinneqarput.

Ribe Esbjerg HH 10-18-imik kinguarpoq. Akutaaneq Kreutzmannip iserteqqitai marluk iluaqutaavallaanngillat. Unamminermi muminnerup 12-20 inerneraa.

Assit takukkit: Kalaallit Esbjergimi arfineq-marlunnik isertitsisut

Immikkoortup aappaani straffit marluk isertinneqanngitsut
Unamminerup immikkoortuata aallartinnerani Akutaaneq Kreutzmann isertitseqqippoq.

Strafferlunilu isertitseriarnermini isertitsinngitsoormat tamanna iluaqutaavallaanngilaq. 14-22 aamma 16-24, Akutaaneq Kreutzmann strafferluni isertitseriaqqittussanngorpoq. Ajoraluartumik aamma isertitsinngitsoorpoq.

Kasper Hvidtimut ataqqinninneq annertuallaarpoq. Naak Ribe Esbjerg HH-mi Søren Haagen målini annaassilluartaraluartoq, unamminermilu aamma 23-25-mik anngukkaluartut, taakkununnga iluaqutaanngilaq. Piffissami sivisuumi Ribe Esbjerdip isertitsinngimmat, KIF Kolding København 24-30 inerneralugu ajugaapput.

Final4
Ataqqinaataasumik unammineq Final4, 2017-imi februaarip sisamaani tallimaanilu pissaaq. Ribe Esbjerg HH ajorsareersorlu unamminerlu kalaallinit peqataaffiussanngilaq.

KIF Kolding København. Aalborg Håndbold, qallunaat pissartaat Bjerringbro-Silkeborg aamma Skjern Håndbold ujaminnanniullutillu pokalinnanniutissapput.

Powered by Labrador CMS