Akunnittarfissamut akisuumut aningaasaliissuteqartut

Kommuneqarfik Sermersuumi kommunalbestyrelsi marlunngormat aalajangerpoq, akisuumik akunnittarfiliornissamut nunaminertamik qinnuteqaat tusarniaassutigineqassasoq.

Malaysiamiu akunnittarfiutilik qinnuteqaammini imminut ima ilisaritippoq:

- 1986-illi aallartinnrani Hotel & Resortsitta imikkortortai ima amerlisimatigipput, feeriartarfissatut piumaneqarnerpaani inoroorsaarfigineqarnissamik ujatuineq naammassisinnaalersimallutigu. Ullumikkut akunnittarfinnik sukisaarsartarfinnillu 20-usunik sulisuvut piginnittuupput aamma/ imaluunniit aqutsisuupput, taakku Malaysiami, Asiami Manerassuarmilu assigiinngitsunik sammisassaqartitsiveqartut 4.200-t sinnerlugit initaqarput.

Golfertarfinnik aamma piginnittoq

- Taakku aamma pigivaat Kyoto-mi Japanimiittumi Four Seasons Hotel & Residences, Hanoi-mi Vietnamimiittumi Sheraton Hotel, Kuala Lumpur-imi Malaysiamiittumi Ritz Carlton Residences, Malaysiami init kiffartuussiviit aamma golfertarfiullunilu countryklubbi. Tamakkua saniatigut Malaysiami, Japanimi Islandimil ineriartortitassanik suliniuteqarput .

- Berjayaritut periarfissat nutaat pimoorulluinnarlugit misissortuaannarpavut, Nuummi pinngortitaq kusanartoq aamma peqqissartarfissatut misigisassarsiortarfissatullu ilippanaateqarluartut nuannareqaarput. Taamaammat Nuummi illoqarfiup ineriartortinneqarnissaanut peqataaniarluta, akunnittarfimmik pitsassuarmik ineriartortitsiniarluni suliniuteqarnissamut kommunalbestyrelsi maniguulluta akuersissummik qinnuteqarfigaarput. Ilimagilluinnarparput Nuuk asseqanngitsumik nunatalik kalaallit kulturiannut kusanartumut Nuummi innuttaasut inuuniarnerannut aningaasaqarnikkullu ineriartornerannut pitsaasumik sunniuteqartitsisinnaasoq, chief executive officer Syed Ali, Berjaya Land Berhad sinnerlugu allappoq.

Najukkami innuttaasunik ataqqinnittoq

Innersuussutigineqarpoq, akunittarfinnik akisuunik pilersitsisimasup, pisortap Tan Sri Dato ’Seri Vincent Tanip avatangiisinik ajoqusiisoqannginnissaanik pingaartitaqarnera.

- Berjayap aamma inuiaqatigiit amerlanerit ataqqineqartariaqartutut isumagineqartariaqartutullu isigai. Akunnittarfiutitta Sukisaarsartarfiutittalu ajorsartut nerisassaqarnissaannut aningaasanik katersisarnermiit ajunngitsuliortarermut suliaqartarnermikkut najukkami innuuttaasunut aamma pissutsinut isumalinnut ikiuuttarnernut pitsaasumik sunniuteqartarput, tassa sumiikkaluaraangattaluunniit tamanna atuuttarpoq, nunaminertamik qinnuteqaammi oktobarip 20-ani borgmesterimut Charlotte Ludvigsenimut nassiunneqarsimasumit taama allassimasoqarpoq.

Nutaarsiassat

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...