Skip to main content

Akunnittarfiliornissamut akerliulluni atsiornernik katersineq

Kommuneqarfik Sermersuumi Sanaartornermut Avatangiisinullu ingelatsivimmi pisortap ilimagisimasaatut pisoqarpoq. Nuutoqqami akunnittarfissap akisuup inissisimaffissaatut siunnersuut inuppassuarnit akerlerineqarpoq.

Ulloq unnuarlu ingerlariilaanginnartut innuttaasut 500-nik sinnillit Malaysiami akunnittarfiutilissuit Nuutoqqami akunnittarfimmik akisuumik sisamanik quleriilimmik sanaartornissamik pilersaarutaannut akerliullutik atsiorsimapput.

Kommuneqarfik Sermersuumi kommunalbestyrelsi marlunngormat aalajangerpoq, siunnersuut sapaatip akunnerini arfineq-pinasuni tusarniaassutigineqassasoq. Kommunalbestyrelsimi Siumut ilaasortaatitaasa aalajangiinermut akerliunertik Sermitsiaq.AG-mut ilisimatitsissutigereerpaat.

Qujaannarpugut

Inuit 504-t Nuutoqqami akunnittarfissarsuarmt ”QUJAANNARLUTIK” atsioreersimapput, atsiortartullu suli amerliartuinnavillutik. Nittartagaq skrivunder.net aqqutigalugu innuttaasut naammaginninnginnertik takutillugu atsiorsinnaapput.

Atsiorsimasut amerlanerpaartaat Nuummi najugaqartuupput. Aammali inuit Aalborgimi Tysklandimilu najugaqartut isummaminnik saqqummiussisariaqartutut misigisimapput.

Borgmesteri nuannaartoq

Borgmesterip Charlotte Ludvigsenip pilersaarutit illersorlugit Sermitsiaq.AG-kkut oqaatigaa ”Nuummi takornariartitsisarnerup ineriartortinneqarnissaanut pingaaruteqarluinassasoq”. Aap, pilersaarut nuannaarutigilluinnarpaaluunniit.

- Suliniut assut soqutiginarpoq, kalaallit ilitsoqqussaat nutaaliaasullu  assanni ataqatigiissinneqartussaammata. Aamma illoqarfitta ilaani kusanaqisumi nutaaliortoqassaaq. Nuutoqqami avatangiiseq naleqaranilu kusanartorsuaq illersorniarlugu suliniuteqartunut piumasaqaateqarsimavugut. Kommunalbestyrelsimi eqqumaffigaarput, Nuutoqaq inuppassuarnit eriagineqartoq. Taamaammt innuttaasut peqataatinneqarnissaat pingaaruteqarpoq, Charlotte Ludvigsen Sermitsiamut oqarpoq.

Læs hele sagen:

  1. Luksushotel i hjertet af Kolonihavnen
  2. Luksushotel ved Kolonihavnen
  3. Nuutoqqami akunnittarfik akisooq
  4. Akunnittarfissamut akisuumut aningaasaliissuteqartut
  5. Her er investorerne bag luksushotel
  6. Vrede over placering af luksushotel
  7. Underskriftsindsamling mod hotelplan
Nuummi ilaqutariinnut meeraaraatilinnut naartusunullu najugaqarfiutigalugu katsorsaanermik neqerooruteqartarfik nutaaq
Najugaqarfiutigalugu katsorsaanermik neqerooruteqartarfimmi ilaqutariit toqqissisimasumik avatangiiseqarnissaat meeqqallu ineriartornerata atugarissaarnissaatalu qitiutinnissaa pingaartinneqarpoq
Sermiligaami nunaqarfiup orpia kiisami ikinneqartoq
Sermiligaami silarlunnera peqqutaalluni pilersaarut malillugu orpik ikinneqanngitsoorpoq. Silali qatsuunnartoq nunaqarfimmi innuttaasut orpiup ikinnera nalliuttorsiutigaat.
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER