Akunnittarfik takornariartitsinermut pingaaruteqartussaq
Aningaasaliisartut Malaysiameersut Nuummi akimarpasissumik akunnittarfiliorniarnerat borgmester Charlotte Ludvigsenip nuannaarutigeqaa. Helge Tang isumaqarpoq, akunittarfissap avataanit sulisussanik pisariaqartitsineq annerulersissagaa.
– Isumaqarpunga akunnittarfittaassaq Nuup takornariarfiuneranut pingaaruteqartorujussuussasoq.
Kommuneqarfik Sermersuumi borgmesteri Charlotte Ludvigsen Asiamiut aningaasaliisartut Nunatsinni illoqarfiit pingaarnersaanni sanaartornissamut pilersaarutaat pillugit nuannaarutiginnittoq taama oqarpoq.
Aviisi Sermitsiaq taama allappoq.
Nuummi ukiuni makkunani sanaartortoqartorujussuuvoq. Aamma Berjaya Groupip Malaysiameersup pilersaarutigaa Nuup Saavani illut qisuit nunasiaanerup nalaaneersut eqqaanni akimarpasissumik nutaamik akunnittarfiliornissani.
Akunnittarfissap pingasunik teqeqqullip sisamanillu quleriiusussami tikeraat neriniartarfimmit, barimit, isersimaartarfimmit, timigissartarfimmit boblebadertarfimmillu immap tungaanut 270 gradinik isikkiveqassapput.
Tikeraat inini 94-iusuni ineqartussat amerlanersaat aamma immap tungaanut isikkiveqassapput, inilli sinneri illoqarfiup qaqqallu tungaannut isikkiveqassallutik.
Aningaasarsiornikkut ineriartorneq
Borgmester Charlotte Ludvigsenip akunnittarfiliassatut pilersaarut nuannaarutigaa.
– Takornariartitsinermut periaaseriniakkatsinni takornariat akissaqarluartut tikisikkusuppavut, akunnittarfiullu taamaattup takornariat tamakkua saaffigisussaavai. Taama ittumik ataatsimik akunnittarfeqalerneratigut anguniakkavut angunavianngilavut, tamannali eqqortup tungaanut alloriarnerussaaq angisooq, borgmester Charlotte Ludvigsen oqarpoq.
Aviisimi Sermitsiami, uani pissarsiarisinnaasanni, atuarnerusinnaavutit:
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...
