Skip to main content

Akunnittarfik ajornartoornermit nukittunerulluni aniguisoq

Naak Qaqortumi ukiuni kingullerni takornariaqarsimanngikkaluartoq, illoqarfimmi akunnittarfik ingerlalluarpoq. Taama ingerlalluartoqarneranut patsisaavoq, nunap immikkoortuani tamaani pikkorissariartunik ataatsimeersuariartunillu aallussilluarneq aamma akunnittarfiup caféani Nanumi sandwichinik aamma burgerinik pitsaasunik, illoqarfimmiunut nuannaarutaasumik sassaalliisoqartarnera.

- Ukiup ingerlanerani ingerlalluaqaagut, 2021 aallartilluaqaarput qaammammiit qaammammut rekordiliisarluta. Tamatumunnga atatillugu illoqarfimmiut siornatigornit annerusumik neriniartarfitsinnut café Nanumut neriartortaleramik. Maani najugallit amerlanerusut sulilernerat malugisinnaalluarparput aamma Kujataamiut aningaasaateqarnerulernerat malugisinnaavarput, akunnittarfiup pisortaa Jim Riis allaffimmini, inersuup paarliup affarlianiittumi issiavimminit oqarpoq, tamaani ullumikkut inugasaaqaaq. Pikkorissariat arlalissuit saniatigut sanasut akunnittarfiup silataa aamma aallartarfiup tikittarfiullu eqqaa nutarterlugu aamma aallartissimapput.

Aviisi Sermitsiaq taama allappoq.

- Akunnittarfinnut allanut uatsinnut sanilliuttakkatsinnut – Nuummi Hotel Hans Egedemut aamma Ilulissani Hotel Arcticimut – naleqqiulluta uagut iluaqutigaarput akunnittarfiugatta anginngitsoq 37-nik ineeralik qulinillu inissiartalik. Akunnittarfiit allat takornarianik aamma kommunit akimorlugit pikkorissaanernik pinngitsuuisinnaajunnaarnerusimapput, piffissallu ilaani corona pissutigalugu taamaatiinnarneqartariaqartarlutik. Tamatuma akerlianik uagut taamaallaat nunap immikkoortuaneersunik Nanortalimmeersunik, Narsameersunik, Narsarsuarmeersunik nunaqarfinneersunillu pinngitsuuisinnaanerugatta, Jim Riis oqarpoq. 

Nunarput qimannagu sulinngiffeqartut   

Akunnittarfiup siorna aasakkut ussassaarinermigut nunarput qimannagu sulinngiffeqartut iluatsippai, taakkumi unnuinerminni 50 procentinik akikillisaavigineqartaramik. Ukioq manna aamma juulimi taama pisoqartussaavoq, tassami nunarput qimannagu sulinngiffeqartut arlalippassuartigut takornarianit nunanit allaneersunit tikeraartoralugit pitsaanerusaramik.

Aviisimi Sermitsiami atuarnerusinnaavutit: 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER