Aalisarneq
Akuersissutit kuuit eqqaanni aningaasaliissutinik nalorninartorsiortitsisut
Aliikkutaralugu qissattartartut nunarsuarmit tamarmeersut Kalaallit Nunaat nunatut nutaatut pissanganartutullu isigaat. Aliikkutaraluguli qissattartarneq ineriartortissinnaajumalllugu akuersissutit ullumikkut atuuttut nunaqavissut kuunni aliikkutaralugu qissattartartut aamma aalisarfigisassaanni qassutinik eqalunniarsinnaatitaaffigisaat allanngortinneqartariaqarput, takornariartitsisartoq, kuunnik immikkuullarissunik qissattarnermuinnaq atugassanngortitserusuttoq oqarpoq
Takornariartitsisartumut Erik Palo Jakobsenimut Kalaallit Nunaanni kuunni qissattarneq annertuumik periarfissaqartitsivoq, tamatumanili qissattariartartunut maanngarnissap kajungernarnerulersinnissaa pisariaqarluni. Kuuit ilaasa qissattarnermuinnaq atugassanngortinnissaat pineqarpoq, eqaluit angisoorsuanngorsinnaaqqullugit kusanartunngorsinnaaqqullugillu.
– Qissattariartartut Kalaallit Nunaat nunatut nutaat isigaat, Erik Palo Jakobsen, kuuit kajungerinarluartut ilaanni illuaqqanik sananissamik isumaliutiginnissimasoq oqarpoq.
Taamatulli aningaasaliinissaq akuersissutit ullumikkutut itsillugit nalorninaatilerujussuuvoq.
– Ullumikkut akuersissutinut atatillugu pitsaavallaanngitsunik isumaqatigiissutaateqarpugut. Qissattarlutik eqalunniartartunut Europameersunut sullitarisartakkannut illuaraliorusukkuma tikeraat akilikkaminnik pissarsinissaat qularinngittariaqarpara. Tassalu kuummi pitsaasumi eqalunnik angisuunik kusanartunillu. Ullumikkulli akuersissutit taamatut itsillugit nunaqavissut allat aamma kuuit akuisa eqqaanni qassusersorsinnaapput. Tamatuma kinguneranik eqaluppassuit kuummut majortussaagaluit pisarineqartarpu. Naggaterpiaatigut eqaluit ikippallaat mikivallaallu sinnerut- tarput. Tassami eqalunnianut nunaqavissunut sanil- liullutik qissattartartut eqaluttatik amerlanertigutt avalatseqqittarpaat, angisuunngorlutillu kusanar- tunngorsinnaaniassammata, Erik Palo Jakobsen oqarpoq.
Allaaserisaq tamaat immikkut sammisami 'Nunatsinni misigisassarsiorit' atuaruk, Tamanut Kujataani saqqummertumi kingullermi ilaavoq, taanna uani akeqanngitsumik aasinnaavat: