Skip to main content

Akuersissutinik nakkutilliisoqarfik: Nalunaarsuinigut kukkuneqarsimapput

Kalaallit Nunaanni Aalisarsinnaanermut Akuersissutinik Nakkutilliisoqarfiup nassuerutigaa 2018-imi kapisilittat pillugit nalunaarutiginnissimasut kukkusumik nalunaarsorneqarsimasut.

Kalaallit Nunaanni Aalisarsinnaanermut Akuersissutinik Nakkutilliisoqarfik martsip aallartinnerani tusagassiutinut nalunaaruteqarput aalisarsinnaanermut akuersissutilinni 790-iusuni 585-it siorna kapisilittatik nalunaarutigisimanngikkaat ilisimatitsissutigalugu.

Tamannali eqqortuunngilaq.

Nuummi Tapertaralugu Piniartartut Aalisartartullu Peqatigiiffiat ilisimatitsivoq ilaasortaasut pisatik pillugit nalunaaruteqareersimasut.

- Nalunaaruteqanngippata martsip 15-at killigalugu siorasaarneqarput 2019-mi akuersissuteqartitaanngitsoorsinnaasut, siulittaasup tullia Peter Davidsen tusagassiutinut nalunaaruteqarluni allappoq.

Nalunaarsuinerit amigartut

Kalaallit Nunaanni Aalisarsinnaanermut Akuersissutinik Nakkutilliisoqarfiup uppernarsarpaa aalisartut pisaminnik nalunaarutaat naammaginanngitsumik nalunaarsorneqarsimasut.

- Ajoraluartumik ilumoorpoq, akuersissutillit ilaat uagutsinnut saaffiginnipput pisaminnik nalunaarutiginnissimanerat KNAAN-mit nalunaarsorneqarsimanngitsoq pillugu, KNAAN-mi siunnersortit pisortaat Katrine Kærgaard Sermitsiaq.AG-mut mailikkut akissuteqarpoq.

Laks, flod, USA
LÆS OGSÅ: Mange har ikke rapporteret fangst af laks

Nakkutilliisoqarfimmi nalunaarsuinngitsoorsimanermut pissutaasut arlaqartut, ilisimatitsivoq. Innuttaasut arlallit kommuniminnut nalunaarusiorsimapput, nalunaarutilli taakku nakkutilliisoqarfimmut ingerlateqqinneqarsimanngillat. Taakku saniatigut nakkutilliisoqarfimmi kukkusumik nalunaarsuisoqarsimavoq.

Sullissivik aqqutigalugu nalunaaruteqartarneq

Kapisilinnik aalisarneq pillugu nalunaarusiaq 2018-imeersoq malillugu akuersissutaatillit pisaminnik tamatigut nalunaaruteqartarnissaat piumasaqaataalerpoq. Aalisartut pisaqarsimanngikkaluarunilluunniit nalunaaruteqartussaatitaapput, pisaqarsimanngitsutut nalunaaruteqarlutik. Kapisilinniartut pisaminnik nalunaareerunik aatsaat akuersissummik nutaamik pisinnaapput.

Nuummi Tapertaralugu Piniartartut Aalisartartullu Peqatigiiffiat Sullissivik aqqutigalugu kapisilittat pisarineqarsimasut nalunaarutigineqartarnissaat, siunnersuutigaa.

- Pisanik nalunaaruteqartarneq ullutsinnut naleqquttumik eqaannerusumillu ingerlassappat Sullissivik.gl atorneqartariaqalinnginnersoq, soorlu piniarnermut allagartaq tassuuna aaneqarsinnaallunilu immersorneqartartoq? siulittaasup tullia apeqquteqarpoq.

- Nalunaaruteqartarneq ajornannginnerulersinniarlugu Kalaallit Nunaanni Aalisarsinnaanermut Akuersissutinik Nakkutilliisoqarfiup Sullissivik.gl mobilitigulluunniit app-it atorlugit nalunaaruteqarsinnaalernissaq pillugu isumaliutersuuteqarpoq, Katrine Kærgaard Sermitsiaq.AG-mut ilisimatitsivoq.

Taassuma ilanngullugu ilisimatitsissutigaa kisitsisit kingulliit naapertorlugit akuersissuteqartunit 790-iusunit maannamut 547-t nalunaaruteqareersimasut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER