Skip to main content

Akuerisaanngitsumik biiliussisartut nittartakkatigut nittarsaassisarput

Illoqarfiit pingaarnersaanni akuerisaanngitsumik biiliussisarnerit unitsinnissaannut oqartussat pitsaanerusumik iliorsinnaasut, politimester Bjørn Tegner Bayip nassuerutigaa.

Taxaatilik Harald Sandborg Nuuk Ugeavisimi ammasumik allagaqarluni ajornartorsiut annertusiartortoq kamaatigaa, tassani akuerisaanngitsumik biiliussisartut Facebookimi gruppini taxartitsisartut akiinit appasinnerusumik akiliisitsillutik nittarsaassisarput.

Kamannera paasisinnaagaa
Harald Sandborgip politiit iliuuseqannginnerat Akileraartarnermullu Aqutsisoqarfimmut innersuussiinnartarnerat paasisinnaanngilaa.

- Akuerisaanngitsumik biiliussisoqartarneranik nalunaarutiginninnermi politiit qanoq iliuuseqannginnerannik misigisaqarnermi taxaatilittut pakatsisoqartarnera paasilluarsinnaavara, politimester Bjørn Tegner Bay ammasumik allakkamut Harald Sandborgimut qisuariaatitut ilisimatitsivoq.

Akuerisaanngitsumik biiliussisarnerit taxartitsisartunuinnaq ajornartorsiutaanngitsoq politimesterip naqissuserpaa, kisianni aamma innuttaasut isumannaatsuunerannut. Ajornartorsiutip aaqqiivigineqarnissaa ajornaatsuinnaanngitsoq Bjørn Tegner Bayip Nuuk Ugeavis naapertorlugu naqissuserpaa, paasiuminaatsumik amigartumillu inatsiseqarnermut unnersuussilluni.

Oqartussat pingasut
- Taamaalillutik oqartussat pingaarnertut akisussaasuusut marluupput – Akileraartarnermut Aqutsisoqarfi k (akileraartarnermut akitsuutinullu tunngasut) aamma kommuni (taxanik ingerlatsisinnaanermut akuersissutit). Politiini uagut aamma akisussaaffeqarpugut, inuussutissarsiutigalugu inunnik angallassinissamut kørekorteqarnissaq piumasaqaataammat. 

Akuerisaanngitsumik biiliussisarnermut aningaasanik akilertittarneq politiinit uppernarsarneqarnissaa nalinginnaanngitsumik ajornakusoortoq politimester ilisimatitsivoq, tassami inummik biiliussineq inerteqqutaanngimmat.

- Tamakkua tamarmik oqaatigineqareerpata oqartussat – politiit ilanngullugit – qularnanngitsumik ajunnginnerusumik iliuuseqarsinnaapput. Tamanna suleqativut peqatigalugit ukiumi nutaami oqaluuserisassanngortinniarpara, politimesterip ugeavisimut ilanngussamini allappoq.

Politikkikkut iliuuseqarnissaq
Taassuma aamma taxartitsisartut politikerinut attaveqarnissaannik kaammattuivoq, tamatuminnga inatsiseqarnerup iluarsiiviginissaa anguniarlugu.

Nuuk Ugeavis akeqanngitsumik uani ataani linki toorlugu atuarsinnaavat:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER