Skip to main content

Aktianik unammisitsinermi iluatsitsineq ajugaassutaasoq

Børge Kleist Nanortalimmeersoq Grønlandsbankenip aktianik unammisitsinerani nalaatsornerinnakkut aalajangernerit iluaqutigalugit ajugaavoq

Aktiaatileqatigiiffiit aningaasanut niuerfinnut nalunaarutaat malinnaffigissavatit. 

Tusagassiuutini malinnaalluassaatit. 

Grønlandsbankenip aktianik niuernermik unammisitsinerani AktieTips-imi ajugaasut qanoq ilillutik ajugaasimanerminnik oqaluttuaraangamik siunnersuutigisartagaat amerlasaqaat. 
Akerlianilli unammisitsinermi ukioq manna ajugaasoq, ‘Nukik’ Børge Kleistimik kuissuteqartoq, unammisitsinermi aktiaatileqatigiiffiit 13-it ineriartornerisa eqqoriarnissaannut iluatsisitsinerup akuusarneranut uppernarsaataavoq.

- Ingerlalluavippunga. Iluatsitsivissorpunga. Unammisitsinermi aktiaatileqatigiiffinnut tunngatillugu tusagassiorfinni malinnaasimanngilanga, Børge Kleist, ulluinnarni Nanortalimmi najugaqartoq, nassuiaavoq.
Aktiaatileqatigiiffiit ineriartornerannik nalilersuinermini isummerasuarneq atorpaa.  

- Aktia qaffakkaangat, taassuma qaffariaatini attatiinnassagaa appariassasorluunniit eqqarsaatigisarpara. Taamaaliorlungalu nikisiterisarpunga, ajugaasoq iluatsitsinermi nassatarisaanik 5.000 koruuninik pisuunnguallattoq, oqaluttuarpoq. Børge Kleist AktieTipsimi 514-inik pointinnappoq.

Unammeqataasoq ‘Paminik’, Per Birch Nielsenimik ateqartoq, akissarsiassat annersaasa tulliannik eqquivoq, taamaalillunilu 2.500 koruuninik pisuunnguallalluni, Steen Brandtilu akissarsiassat annersaasa pingajuannik 1.000 koruuninik aningaasartaqartunik akissarsilluni.

Atuaqatigiit 
Aningaaseriviup ukioq manna inuit ilinniagaqartut aningaasaliinernut, aktiat nalinginut, iluanaarutisianut - kiisalu oqaatsinik allanik taamatut ingerlatsisut atortagaannut soqutiginnitsilernissaat aalluppaa. 

Inuusuttullu sapinngisamik amerlanerpaat peqataatinniarlugit Grønlandsbankenip ilinniartuutai ilaatigut illoqarfinni arlalinni unammisitsineq kiisalu aktianik niuernermi toqqammaviit pillugit saqqummiisinneqarput.

Aningaaseriviullu ukioq manna unammisitsinermi akissarsiassanngortitaanit 25.000 koruuninit, 17.000 koruunit atuaqatigiinnut ilinniartunulluunniit angusarissaarnerpaanut akissarsiassanut pingasunut agguaanneqarput. 
Maannalu Nuummi atuarfiit pingasut akissarsiassanik pissarsisuupput. 

Akissarsiassat annersaat 10.000 koruuninik aningaasartaqartoq Hans Lyngep atuarfiani 2. A-nit pissarsiarineqarpoq, akissarsiassallu annersaasa tullia, 5.000 koruuninik aningaasartaqartoq Ukaliusami (USK-imi) 8. C-nit pissarsiarineqarluni; akissarsiassallu annersaasa pingajuat Nuuk International Friskolimi 9. klassit pissarsiaraat. 

Grønlandsbanken pappiaranik aningaasanik nalilinnik ilisimasaqarnerup aningaasalersuisarnerullu ilisimaneqarnerulernissaa siunertaralugu unammisitsinermik ingerlatsisuuvoq. Pisarnerlu naapertorlugu AktieTips Sermitsiaq suleqatigalugu ingerlanneqarpoq.

Unammisitsineq 13-issaanik ingerlanneqarpoq. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER