Skip to main content

Aktianik tunisinermut apeqqumminut akissutissaq IA-p suli utaqqivaa

Namminersorlutik Oqartussat Grønlandsbankimi aktiaataanik kina pisisimanersoq apeqqumminut akineqannginnini IA-p tupigusuutigaa

Inuit Ataqatigiit sinnerlugit Inatsisartunut ilaasortat Kuupik Kleistip Naaja Nathanielsenillu paragraf 37 naapertorlugu Naalakkersuisunut apeqqutigeqqippaat namminersorlutik oqartussat Grønlandsbankimi aktiaatai kiarpiaap pisiarisimanera.
– Tassaava Greenland Holding A/S - imaluunniit tassaava Greenland Venture A/S, taakku aperipput.
Kuupik Kleistip Naaja Nathanielsenillu apeqqutertik tunngavilerpaat ippigeqigamikku Naalakkersuisut piginnittutut qanoq inissisimanerminnik imminnut qanoq isiginersut:
– Taamaattumik soqutigisaraarput selskabinut pisortanit pigineqartunut atatillugu Naalakkersuisut ingalassimanissamik tunngavik qanoq ingerlanneraat. Assersuutigalugu isumaqartoqarsinnaavoq Naalakkersuisut ilisimanngikkaat suliffeqarfissuarmi pingaarnerusutut selskabip ataanilu selskabit piginnaasaat ingerlatsinerallu assigiinngissuteqartut. Naalakkersuisut aamma nalorpasippaat siulersuisunngortinneqartartut tassaasarmata sammivissamik ingerlatseqatigiiffiup qullersaqarfianut aalajangersaasartussat, Kuupik Kleist aamma Naaja Nathanielsen allapput.
Akissut nr. 236, tassa Naalakkersuisunut apeqqutip siulliup akissutaa, kukkusumik isumaqalersitsinnaavoq aktiaatileqatigiiffik pisortanit pigineqartoq nutaanik aningaasaliiniarluni imaluunniit taamaaliorniarani avataa-niit aningaasalersuisoqarnissaanik pisariaqartitsinersoq pisariaqartitsinnginner-sorluunniit Naalakkersuisut aalajangersinnaagaat.
– Taamaammat Namminersor-lutik Oqartussat piginneqataassutaannik pisinissamut atugassanik avataaniit aningaasalersuisoqarnissaanik Greenland Holding A/S pisariaqartitsinersoq Naa-lakkersuisut aalajangigassarinngikkaat Naalakkersuisunut uppernarsaqqussavar-put. Siulersuisut kisimik taamatut aalajangiisinnaassuseqarput. Naalakkersuisut allatut isumaqassappata tamanna itisileqqussavarput. Assersuutigalugu isumaqalertoqarsinnaavoq suliffeqarfissuarmi immikkoortortalimmi ingerlatseqatigiiffiup qullersaqarfiusup ingerlatseqatigiiffiillu allequtatut aqunneqartut siunertaat suliaallu immikkoortinneqartartut Naalakkersuisut nalugaat. Naalakkersuisut aamma nalorpasippaat siulersuisunngortinneqartartut tassaasarmata sammivissamik ingerlatseqatigiif-fiup qullersaqarfianut aalajangersaasartussat, Kuupik Kleist aamma Naaja Nathanielsen allapput, Naalakkersuisunullu aamma akeqquvaat aktianik pisineq Greenland Holding A/S-ip aamma Greenland Venture A/S-ip siunertaasa iluaniinnersoq, selskabinut malittarisassat eqqarsaatigalugit.

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER