Skip to main content

Aktianik iluanaarnianut akissarsiassat pingaarnerit 10.000 koruunit

Grønlandsbankip aktiespil ingerlatissavaa aningaasanik akissarsiassalerlugu

Rolls-Roycep aktiaata nalinga qaffakkiartorpa?
Novo Nordisk nakorsaataarniarfimmi ingerlalluarpa?
Aamma NunaMinerals-ip aktiaa aatsitassarsiornerup sammineqarneratigut nalinga qaffakkiartorpa?
Apeqqutit taamaattut aktianik iluanaarniartut sapaatit akunnerini tulliuttuni isummerfigisassavaat, Grønlandsbankip septembarip 9-anni ukioq manna aktiespil, AktieTips-imik taaneqartoq, ingerlappagu.
Unammineq marloriarlugu ingerlanneqassaaq tamarmik sapaatit akunnerinik pingasunik sivisussisilimmik. Aningaaseriviullu ajugaasut tamanut saqqummiutissavai ataasinngornermi oktobarip 21-anni.
Nunatsinni aningaaseriviit annersaata aktiespil 11-issaa ingerlatissavaa. Grønlandsbankilu taamaasiorpoq pappialanut nalilinnut taamaattunut aningaasaliissuteqarnissamut soqutiginninneq ilisimasaqarnerlu annertusarniarlugit.
Pisarnertut AktieTips Sermitsiaq suleqatigalugu ingerlanneqassaaq.
Ineriartorneq siulittuutigiuk
Spil-it siusinnerusukkut ingerlanneqartartut assigalugit selskabit børsimi nalunaarsortissimasut Grønlandsbanken aamma aatsitassarsiornermik selskabi NunaMinerals spil-imi peqataapput.
Taamatuttaaq aktieselskabit angisuut soorlu A.P. Møller-Mærsk, Novo Nordisk, pinnersaatinik ingerlatsivik Pandora, anorisaatinik innaallagissiorfik Vestas kiisalu Carlsberg, tamarmik OMX C20-indeksimi ilaasut - indeksimi Københavns Fondsbørsimi, Nasdaq OMX-imi, aktiat 20-it kaaviiaartinneqarnerpaat ilaapput.
Arsaannemillu nuannarisaqaruit aamma københavnimi aarsaattartut klubbiat Brøndby IF aktieselskabit katillugit 13-it akornanniippoq.
Siornartut unammisut eqqoriartassavaat aktiat ataasiakkat qanoq ineriartornersut; nalingat qaffariartornersoq, appariartornersoq allanngunnginnersoq.
Akissarsiassaq anneq 10.000 koruuniuvoq, tullia 5.000 koruuniulluni pingajuallu 2.500 koruuniulluni.
Tamatuma saniatigut qiteqquffimmi akissarsiassat 2.000, 1.000 aamma 500 koruuniupput.
Tamatuma saniatigut atuarfimmi klassimut AktieTips-imi angusarissaarnerpaamut Grønlandsbanki 10.000 koruunininik tunissuteqaqqinniarpoq.
Aktiespil pillugu annertunerusumik atuarsinnaavutit peqataanissamullu nalunaarlutit uani www.aktiespil.gl
Piviusut:
AktieTips-imi aktiat 13-it
1. A.P. Møller-Mærsk B
2. Brøndby IF B
3. Carlsberg A/S B
4. Grønlandsbanken
5. Hennes & Mauritz AB
6. Københavns Lufthavne
7. Novo Nordisk B
8. NunaMinerals
9. Pandora A/S
10. Rolls-Royce Holdings PLC ODR
11. Smart Guy Group A/S12. Tivoli A/S
13. Vestas Wind Systems

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER