Qaqortoq

Aksel Jensen takuiuk?

Qaqortumi politiit Aksel Jensen 31-nik ukiulik ujartorpaat

Tasersuaq, Qaqortoq
Qaqortoq. Assi toqqorsivimmit

Aksel Jensen kingullermi arfininngornerup unnuaani 31. oktober takuneqartoq, Qaqortumi politiit ujartorpaat.

Taanna imerniartarfimmi Arctic Cafémiissimavoq. Ippassaq novenberip aappaani Aksel Jensen maqaasineqarluni nalunaarutigineqarpoq, kalaalerpasittumik aammalu tuattutut isikkoqartoq oqaatigineqarpoq.

Aksel 170 centimeterip missaani angissuseqarpoq qernertunillu naatsunik nujaqarpoq, tungujortoq taartumik qalipaatilimmik dunjakkeqarpoq aamma sneakerseqarluni.

Paasissutissanik ujartuisut
Politiit taassuminnga 31-inik ukiulimmik sapaatip-akunnerata naanerata kingorna takunnissimasinnaasunik, imaluunniit sumiinneranik ilisimannissinnaasunik tusagaqarusupput.

70 11 22 sianerfigineqarsinnaavoq.

Angut inuusuttoq Alluitsup Paani maqaasineqarluni nalunaarutigineqareerluni ujarneqartoq, oktoberip qaammataani ajunngitsoq nassaarineqarpoq.

Atuaruk: Angut inuusuttoq ujarneqartoq ajunngitsoq nassaarineqarpoq

Powered by Labrador CMS