Skip to main content

Akiuussutissanik kapuinermut paasisitsiniaaneq

Inuit attaveqaqatigiittarfiini corona pillugu salluliuutit inunnit amerlavallaartunit upperineqarpata, tamanna nunamut tamarmut ajortumik kinguneqarsinnaavoq. Minnerunngitsumik meeqqat inuusuttullu atugarissaarnerannut ilinniagaqarnerannullu

Inuit 21.000-it missaat covid-19-imut akiuussutissamik siullermeerlutik massakkut kapitereersimalerput.

10.000-it akiuussutissamik kapitinnertik naammassereerpaat.    

Ajunngitsup tungaanut ingerlasoqarpoq, taamaattorli innuttaasut ilarpassui akiuussutissamik kapitissimanngillat.

Taamaattumik UNICEF Kalaallit Nunaat aamma tusagassiivik Sermitsiaq.AG ataatsimoorlutik paasisitsiniaalerput.  

- Sapaatip akunnerini tulliuttuni nittartakkami nutaarsiassanik saqqummiisarfitsinni takoqqusaarutinik inuit ilisimaneqartut kapitereersimanerannut tunngasunik ilanngussisassaagut. Tamannalu pissalluni oqariartaaseq ”Aap, qujanaq” atorlugu, siunertarineqartumilu pisariunngitsumi inuit coronamut akiuussutissamik kapitinnissaat kajumissaarutigineqarluni. Inuiaqatigiinni suliassamik pingaaruteqarluinnartumik suliassaqarpugut, tamatumanilu pisariaqartinneqarluni nukiit pitsaasut ataatsimut suleqatigiissinneqarnissaat, tusagassiivimmi Sermitsiaq.AG-mi pisortaaneq Christian Schultz-Lorentzen oqarpoq.

Peqqissutsimik suliaqartut oqaatigisarpaat, innuttaasut ilarpassui kapitinnissaminnut ernummateqartut suli naammattoortaritik. Ernummateqarnermi inuit attaveqaqatigiittarfiini oqaatigineqartut tunngavigineqarajuttarlutik, uppernarsaatissaqanngitsumik soorlu oqaatigineqartarlutik akiuussutissamik kapitinnikkut magneteqarnerulersoqartartoq. 

Taamaattumik UNICEF Kalaallit Nunaata facebookimi quppernermini inuit ilisimaneqartut kiinnaat saqqummersittarusuppai, oqariartuullu akiuussutissamut ”Aap, qujanaq” siaruarterlugu.  

- Inuit inersimasut akiuussutissamik kapitikkusunnginnerat inuiaqatigiinni innuttaasut nalinginnaasumik peqqissusaannut, aningaasaqarnitsinnut aamma inuiaqatigiit ammaqqinnissaannut pilersaarummut kingunerlorujussuarsinnaavoq. Ilisimareerparput sivisuumik matoqqatitsinerit meeqqat inuusuttuaqqallu atugarissaarnerannut minnerunngitsumillu ilinniagaqarnerannut sunniuteqartartut, UNICEF Kalaallit Nunaanni suliniummik aqutsisoq Maliina Abelsen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER