Skip to main content

Akiuussutissamik kapuinissaq silamit unammillerneqarpoq

Akiuussutissat Pfizer/BioNTechimeersut tullii Danmarkimiit nunatsinnut tikissimalerput. Qaqortumili akiuussutissalersuilluni kapuinissat qaqugu pissanersut nalorninarallarpoq.

Kalaallit Nunaanni akiuussutissamik kapuinermi immikkoortup tullia aallartissinnaanngorpoq, akiuussutissami tiguneqareermata.

Silali pissutaalluni kinguaattoortoqarpoq. Nakorsaaneq Henrik L. Hansen Sermitsiaq.AG-mut taama oqaluttuarpoq.

- Narsarsuarmut angalanissaq, taqqavanngaanniillu Qaqortumut angalanissaq, silap qulisimanera pissutigalugu kinguaattoorpoq. Taamaammat nalugallarparput qaqugu Qaqortumut akiuussutissat tikisinneqassanersut, nakorsaaneq Henrik L. Hansen oqaluttuarpoq.

Pilersaarutaagaluarpoq akiuussutissamik kapuinissamut immikkut ilinniartinneqarsimasut pingasut, akiuussutissanik nassarlutik Qaqortumut ullumi aallarnissaat, tassanilu akiuussutissalersuinissaat. Qaqortumi akiuussutissalersuisoqareerpat illoqarfiit Sisimiut aamma Aasiaat tullinnguutissapput.

- Akiuussutissat Nuummi qerititsivissuarmiitinneqarput. Qaqortumut angalanissap iluatsissinnaanera qulakkeeqqaarlugu qerititsivissuarmit tiguneqarumaarput, nakorsaaneq oqarpoq. Taanna ilisimatitsivoq ualilernerani paasinarsissagunartoq qanoq iliortoqassanersoq.

Inuit ulorianartorsiornerpaat salliutinneqassapput

Akiuussutissat Pfizer/BioNTechimiit maanna pineqartut katillugit 975-iupput. Tassa siullermik pissarsiarineqartut amerlaqataat. Akoorneqareerlutik kapuutigineqarsinnaasut 1300-t missaanniissasut, nakorsaaneq oqaluttuarpoq.

Inuit Covid-19-imi tunillatsinnerminni ulorianartorsiorfiunerpaasussanik atugallit nappaatillillu immikkoortuni siullerni salliutinneqassapput. Peqqinnissaqarfik saaffiginnittassaaq akiuussutissaliinissamullu neqeroortassalluni.

- Ukiut Covid-19-imik atuipiloornissamut annertuumik ulorianartorsiortitsisuupput, aammalu innuttaasut ataasiakkaat ulorianartorsiornerinik naliliisarnermi ukiut – tunngavissanik matuma kinguliani taaneqartunik ilaqartillugit – pingaaruteqartinneqartunut ilaatinneqarput. Tunngaviusumik meeqqat inuusuttullu annertuumik napparsimagaluarunik atugaqaraluarunillu nalinginnaasumik annertuumik ulorianartorsiortussaanngillat, kiisalu utoqqaat 65-70-it sinnerlugit ukiullit nalinginnaasumik annertuumik ulorianartorsiortussaallutik, Namminersorlutik Oqartussat tusagassiorfinnut nalunaarutaanni ilisimatitsissutigineqarpoq.

Uku ulorianartorsiornerpaapput:

  • Annertoorsuarmik uu,malluutillit, pualluutillit tingulluutillilluunniit, tartui annertuumik sulisinnaajunnaaqqasut, kræftimik napparsimangaatsiartut, annertuumik timip pisinnaasaanik eqquisunik nukimmigullu nappaatillit , annertuumik tarnimikkut nappaatillit il.il.
  • Annertuumik timikkut piginnaanikillisimasut
  • Annertuumik katsorsarneqartumik aamma/imaluunniit nakkutigilluagaanngitsumik nappaatillit
  • Annertuumik ataatsikkoortunik amerlasuunik nappaateqarneq, aamma ataatsimut naliliineq tunngavigalugu atugaqarneq peqqutigalugu annertuumik ulorianartorsiortut, tassalu nalinginnaasumik napparsimasut tamaginnut eqquisunik nappaatillit aammalu amerlasuunik nakorsaatitortut
  • Timimik pisataatigut taarsiivigineqarsimasut, imaluunniit timip pisataatigut ajoqutillit, taamaattumillu utaqqisut allattorsimaffianniittut
  • Nappaatit navianartorsiortitsisut (ajoqutaasinnaasut)
  • Kræftillit, taamaattumillu kemoterapi, qinnguartaaneq, timip akiuussinnaaneranik annertusaaneq il.il. atorlugit nakorsartittut
  • Timip akiuussinnaassusianik annertuumik annikillititsisimasut, soorlu qaammatit arfinillit iluanni patilertissimasut imaluunniit stamcelle-nik ikussivigitissimasut, timip akiuussinnaaneranik sakkukillititsisumik katsorsartittut, seglcelleanæmi-llit, SCID-llit, splenektomi-llit il.il.
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER