Skip to main content

Akiuussutissalersuinissamut pilersaarut nutaaq saqqummersoq

Illoqarfinni nunaqarfinnilu arlalinni sapaatit akunnerni tullerni arlalinni akiuussutissalersuisoqarnissaanut pilersaarutaagallartut saqqummiunneqarput. Pilersaarut suli malinneqartut, nakorsaaneq ilisimatitsivoq.

Innuttaasut illoqarfinni nunaqarfinnilu arlalinneersut, ilaatigut ukioqatigiiaanut aggulunneqarsimallutik sapaatip akunnerata tullianiit Modernamiit akiuussutissamik siullermeertumik kapitinnissamut neqeroorfigineqassapput.

Corona pillugu allattoqarfik nittartakkamini akiuussutissalersuinissamut pilersaarutaagallartumik ataasinngormat saqqummiussivoq. Pilersaarut corona.nun.gl-imi takuneqarsinnaavoq.

Ulloq 18. juni ilanngullugu sumiiffiit ilaanni akiuussutissalersuinissat pilersaarutigineqarput.

Nakorsaaneq Henrik L. Hansen ilisimatitsivoq sapaatit akunneri allortarlugit aalajangersimasumik akiuussutissanik nassitsittarlutik.

Akiuussutissalersuinissamut pilersaarutaagallartoq allanngoratarsinnaavoq, taamattorli Kalaallit Nunaata akiuussutissalersuinermut pilersaarutini maannamut malikkaa, nakorsaaneq ilisimatitsivoq.

Sapaatit akunnerni 24-17 akiuussutissalersuiartortussat illoqarfinnut arlalinnut tikissapput.

Ukununnga:

  • Maniitsoq nunaqarfiilu, 18+
  • Nuuk, 18-24 ukiullit aamma 40-50 ukiullit
  • Paamiut, 18+
  • Qaqortoq, 18+
  • Nuuk, 25-39 ukiullit
  • Sisimiut, 18-24 ukiullit aamma 40-50 ukiullit
  • Aasiaat, 18-24 ukiullit aamma 40-50 ukiullit
  • Ilulissat, 18-24 ukiullit aamma 40-50 ukiullit
  • Upernavik nunaqarfiilu, 18+
  • Uummannaq nunaqarfiilu, 18+
  • Aasiaat nunaqarfiilu, 18+

Naalakkersuisut nakorsaaneqarfillu siusinnerusukkut akiuussutissalertinnissamut neqeroorummik innuttaasut amerlanerpaat akuersinissaannik kaammattuuteqarsimapput. Akiuussutissalertinnissaq pinngitsaaliissutaanani neqeroorutaavoq.

Nittartakkami atuarsinnaavat illit najugarisanni qaqugu akiuussutissalersuinissamik pilersaaruteqarallartoqarnersoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER