Skip to main content

Akitsuutinit millionerpassuit Nunap karsianut iluanaaruteqartitsisut

2018-imi biilinik tunisat amerleriaateqangaatsiarsimanerat pissutigalugu Nunap karsiata eqqussinermut akitsuutit 53,6 millioner koruuninik iluanaaruteqarfigai, tamanna ukiup siulianut sanillersuunnerani 7,5 procentimik qaffariaateqarpoq. Tassa Kalaallit Nunaanni aningaasarsiorluartoqarnernik takussutissat ilaat.

Nunap karsia 2018-imi aatsaat taama iluanaaruteqartigaaq. Tamanna Aningaasaqarnikkut ingerlatsineq pillugu Nalunaarusiaq sapaatip akunnerata siuliani Inatsisartuni saqqummiunneqartumi allassimavoq.

Nalunaarusiami 40-nik quppernilimmi nunap aningaasarsiorluarnera takutippaa.

Akitsuutitigut iluanaarutit arlallit

Suliffeqarfiit namminersortullu pisiortornerulersimanerat pissutigalugu akitsuutitigut Nunap karsia arlalitsigut iluanaaruteqarpoq.

Aningaasat nalingata annertuumik annikitsumilluunniit ineriartorneranut naliliiniss

Naqissusiinermut akitsuutit aningaasat nalingata annertuumik annikitsumilluunniit ineriartorneranut nalilernissaannut takussitissaasoq, økonomit ukkataraat.

Naqissusiinermut akitsuut 2018-imi 49,3 millioner koruuninik iluanaaruteqarfiuvoq, tamanna ukiup siulianut sanillersuunnerani 38,8 procentimik qaffariaateqarfiuvoq.

Aalisakkanut raajanullu akitsuutit

Aalisakkanut raajanullu akitsuutit iluanaaruteqarnerpaaffiupput. 2018-ip aallartinnerani inatsimmik allannguinerup malitsigisaanik nunap karsiata immikkut 152 millioner koruuninik iluanaaruteqarfigaa, taamaalilluni aalisarnermut akitsuutit katillugit 425,6 millioner koruuninik iluanaaruteqarfiullutik.

Taamaalilluni aalisarnermit akileraarutit/akitsuutit toqqaannanngitsut katillugu iluanaarutinit 35,6 procentiupput 2017-imi 26,4 procentiusimasoq.

Tupat imigassallu ikinnerit

Nunap karsiata assigiinngitsut marluk kinguariaateqarfigai, tassa tupat imigassallu iluanaarutaaneri appariaateqarsimammata.

Tupanik iluanaarutit 2018-imi ukiup siulianut sanillersuullugu 6,3 millioner koruuninik appariaateqarpoq imigassallu 10 millioner koruunit missarluinnaani appariaateqarfiulluni. Tupat imigassallu eqqussorneri 1996-miit sanillersuutissagaanni 24 aamma 22 procentimik appariaateqarfiusimapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER