akitsuusiisoqassava?
Akitsuusiinissat Siumumit aalassassimaarutigineqarput
Inatsisartunut akitsuusiinissanut siunnersuut Anda Uldumimit siunnersuutigineqartoq Siumumit arlalinnit isumaqatigineqanngilaq
Naalakkersuisooqatigiit akitsuusiinissamik siunnersuutaat arlalinnit isumaqatigineqanngilaq, ilaatigummi parteeqatiminnit isumaqatigineqanngilaq.
Kukkunersuiunermut ataatsimiititaliami nunalerinermullu ataatsimiititaliamit siunnersuutigineqartut isumaqatiginewqanngillat.
- Paasissinnaavakka allatut ajornartumik iliuuseqarnissaq pisariaqartoq, aaqqiissutaasussanillu ujaasisoqartariaqartoq, taamaattorli orsussamut akitsuut tapersinngilara, Siumumit Suka Frederiksen oqarpoq.
Akinik qaffaasoqartariaqassasoq
- Innuttaasut ilungersoreertut suli inuuniarnikkut ilungersornerunissaanik kinguneqartussaavoq, tamannalu Siumumiit politikkerinngilarput. Inuussutissarsiutit siuarsarniarneri aallartisarniarnerilu suli kigaannerulernissaat takorlooruminarpoq, akissarsianik qaffaanissaq piumasarineqalissaaq, assartuinermi akit qaffassapput, Suka Frederiksen allappoq.
Naalakkersuisunit siunnersuutigineqartoq akuerineqarpallaanngilaq.
Tassami Siumumit Jess Svane, Suka Frederiksen aamma Ineqi Kielsen saniatigut SIK siunnersuummut isumaqataanngilaq.
Partii Naleraq aamma akuersinani taasinissani nalunaarutigereerpaa.