Skip to main content

Akitsorterussisarfik: Nalilinnik toqqortaateqarpit?

Kalaallit aningaasaatitoqaat nalilipilussuupput - ajoquteqanngikkunik.

Danskit qalipaasuisa Emanuel Petersenip aamma J. A. C. Rasmussenip qalipagaat Kalaallit Nunaanneersunik assitallit akitsorterisarfimmi Bruun Rasmussenimi akulikitumik tuniniarneqartarput, akitsorterisarfimmit ilisimatitsissutigineqarpoq qalipakkanik pisisartorpassuit Kalaallit Nunaanneersuusartut.

- Akitsorterinermilu pisiaqarniaraanni aningaasaatilissuusariaqanngilaq, Bruun Rasmussenimi aningaasanut tunngassuteqartunik ilisimasalik Michael Furnitz oqarpoq.

 – Akitsorterinitsinni 800 koruuniniit miliuunerpassuarnik nalilinnik tunisaqartarpugut, tassa pilerigisat aningaasaateqaraannilu pisiarineqarsinnaapput.

Aningaasat internetsikkut akitsorteriffigineqartartut

- ILaatigut kalaallit aningaasaataat internetsikkut akitsorterisssutigaavut, tamanna sapaatiuppat tungaanut ingerlassaaq. Kikkulluunniit peqataasinnaapput, nalinginnaasumimmi 1.000 koruunit missaannik tamakku akeqartussatut nalilerneqartarput.

- Kalaallit aningaasaaterpassui 1967-ip siornaninngaanneersuusut amerlasuupilussuupput - taakkulu qaffasissumik akeqartillugit tunissagutsigit ajoquteqanngitsuussapput, taamaammat suut tamarmik nalilipilussuusanngillat.

Taamaakkaluartoq aningaasanik ilisimasallip Kalaallit Nunaanni inuit tamaasa aningaasaatitoqqanik toqqortaateqarnersut misissueqquai - nalilinnimmi toqqortaateqartoqarsinnaammat.

Taassuma assersuutitut eqqaavai aningaasat Ivittuuni orsugiassiorfimmeersut 1860-ikkunni sananeqarsimasut. Orsugiassiorfimmi nammineq aningaasaateqarsimavoq.

- Taakku imatut immikkuullarissuteqanngikkaluarput. Zinkimik sanaajupput, illuatungaannaatigut assitalikkat, zinkili immikkut attartuujunngimmat, aningaasaq ajoquteqanngitsoq 100.000 koruunit angullugit nalilimmik tunisaqartoqarsinnaavoq, Furnitz oqarpoq.

- Aamma kalaallit aningaasaataat sorsunnersuup siornaneersut akigissaartinneqarsinnaapput, tassa atorneqarsimanngikkunik ajoquteqaratillu. Aningaasaq taamatut ittoq ajornanngitsumik 10.000 koruunit angullugit tunineqarsinnaavoq. Kalaallit fem koruuniutaat 1905-imeersoq 2017-imi 50.000 koruunilerlugu tunineqarsimavoq.

Amusartumiittuuteqarnerlutit misissuigit

Mikael Furnitzip taamaammat Kalaallit Nunaanniittut tamaasa kaammattorpai toqqortaateqarnerlutik misissuinissamut. Ajoquteqanngitsunik nassaartoqarpat, Bruun Rasmussen naliliinissamut ikiuulluarsinnaavoq.

- Soqutiginassagaluarpoq Kalaallit Nunaanni qaqutigoortupilussuarmik toqqortaateqartoqassappat.

Bruun Rasmussen inernetsikkut naliliisinnaavoq, taamaallaat pigisap assinga netsimut ilanngunneqaannassaaq - nalinginnaasumik ullut marluk ingerlaneranni qanoq naleqanersoq nalunaarutigineqartarpoq.

Kalaallit aningaasaataannik akitsorterinissaq ugguuna malinnaaffigineqarsinnaavoq

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER