Akit qaffapiloornerannit utoqqaat illuat eqqugaasoq
Upernavimmi utoqqaat illuata ilaneqarnissaa ukioq manna pissanngilaq, sanaartornermik suliaqartut ulapillutik akinik qaffaarujussuarnerat pissutaalluni.
Annonse
Avannaata Kommunia Upernavimmi Utoqqaat Illuata ilaneqarnissaanut upernaaq suliariumannittussarsiuussivoq, kvadratmeterimullu aki nalinginnaasumik 20.000 koruuninit 40.000 aamma 60.000 koruunit akornannut qaffappoq, borgmester Palle Jerimiassen KNR-imut ilisimatitsivoq.
Avannaani suliffeqarfiit sanaartugassanik suliaqartartut ulapipput, akillu qaffasinnerusut kommunip naaggaarfigalugit aalajangerpoq.
Ilaneqarnera agguarlugu suliarineqassaaq
Taarsiullugu utoqqaat illuat agguarlugu ilaneqassaaq.
Ilaneqarnera 990 kvadratmeteriuvoq, taamaalilluni utoqqarnut 29-inut inissaqalissalluni. Utoqqaat illuat ullumikkut 22-nik inoqarsinnaavoq, KNR ilisimatitsivoq.