Akisuanerit: Nipilersortartut aatsaat taamak amerlatigisut peqataassasut
MØ, Enok Poulsen Rasmus Lyberthilu ilaatigut peqataasoralugit ukioq manna Nuummi Akisuanerit Festivalip, aqagu tallimanngornermi aallartittussap ingerlanneqarnerani nipilersuutinik misigisassarpassuaqassaaq
- Qilanaaqaagut.
Christian Elsner Atlantic Musicimeersoq qungujulluni oqarpoq, Akisuanerit Festivalimillu aaqqissueqataasimasutut nuannaarnissaminut tunngavissaqannguatsiarpoq.
Aviisi AG taamatutallappoq.
Akisuanerit allartinnissaat sapaatip akunneranik sioqqullugu arfininngornermi pisussanut bilitsit nungungajalluinnareersimapput, tassani MØ, Julie, Adam & Kimmernaq kiisalu qatanngutigiit Elsnerikkut Nanookimi nipilersortartut takutitsissallutik.
MØ siullermeerluni peqataassasoq
Tallimanngornermut bilitsit affaat pisiarineqareersimapput, tassani Miké Thomsen, Ulf Fleischer aamma Paarisa Band, Zikaza Enok Poulsenilu nipilersussallutik.
Festivalertitsisarnerup ilisarnaatigaa, nunamit allaneersumik nipilersortitsisarneq, pingaartumik Danmarkimeersumik. Ukioq manna nunarsuarmi tusaamasaq MØ peqataassaaq, Christian Elsnerllu isertuutinngilaa, MØ-p siullermeerluni peqataanissaa immikkuullarissuusoq.
- MØ-p peqataanissaa Kalaallit Nunaannut pingaaruteqaqaaq. Festivalertitsinerinnarmuunngitsoq. Malitserpassuaqarpoq (inuit attaveqaqatigiittarfiisigut), tassa peqataanissaa tamatsinnut iluaqutaasussaavoq, Christian Elsner oqarpoq, innersuussutigalugulu, MØ nunatsinniinnermini assilasimik misigisimasanillu saqqumiigaangami, Instagrammikkut millionit affaanik malitseqarnermigut Facebookimilu suli amerlanerusunik malitseqarnermigut Kalaallit Nunaannik nittarsaassisartoq.
Misigisaq tusaamasanut pilerisutsitsilertarpoq
Kalaallit Nunaannik siullermeerluni misigisaqarsimanermik takussutissat, nunani tamalaani tusaamasat Kalaallit Nunaannukarnissamut pilerisutsilertarpai.
- Nunatsinnukartitsiniarnermi misigisassat ussassaarutigisarpavut. Nunatsinnukassappatali tusarnaartitsinermi inissat tamakkerneqartariaqarput, Christian Elsner, MØ allallu nipilersornissaannut bilitsit 350 koruuniinnaqartinneqarnerat pitsaasumik angusaqarneraasoq oqarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...
