Akisuanerit Festival nipilersortussanik saqqummiivoq

Danskit nipilersortartut nuannarineqarluartut D-A-D aamma Dizzy Mizz Lizzy upernaamut Nuummi tusarnaartitsissapput.

Tamanna nipilersornermik pikialaarfik Akisuanerit Festival Nuummi ukiuni qulinngortorsiorluni ingerlanneqalerpat pissaaq.

- Pikialaarfimmi rockerpalaartuinnarmik nipilersortoqassanngilaq, Rasmus Lyberthimi aamma peqataassaaq. Taanna Nunatsinni nipilersullaqqinnerpaat ilagaat, nipilersoqatinilu tamaasa ilagissallugit, ukiullu qulit matuma siorna pikialaarfik aaqqissuuteqaaratsigit taanna peqataasunut ilaavoq, nipilersornermik pikialaarfimmik aaqqissuisut tusagassiuutinut nalunaarummi allapput.

Nipilersortartut pingasut taakku saniatigut Nuummi nipilersoriaatsimik metalimik aallarterlaat, Sound of the Damned, pikialaarnermi aamma peqataassapput.

Akisuanerit Festival kulturikkut illorsuarmi Katuami ulluni pingasuni 28. septembarimiit 30. septembarip tungaanut ingerlanneqassaaq.

- Nipilersoqataasussat ilaneqarumaarput, aaqqissuisut nalunaaruteqarput.

Akisuanerit Festival Facebookimi malinnaavigisinnaavat.