Skip to main content

Akissarsiat qaffanneqarnissaat pillugu Kim ilisimatinneqarsimavoq

Kalaallit Airportsip siulersuisuini siulittaasuata, Johannus Egholm Hansenip akissarsiaanik qaffaanissamut politikkikkut aalajangiineq, naalakkersuisut siulittaasuugallartutut, Doris J. Jensenip kisimiilluni aalajaginngilaa.

Kalaallit Airportsimi juulimi immikkut ittumik ataatsimeersuartoqarnerani siulersuisuni siulittaasup akissarsiaanik 50 procentimik qaffaanissaq Naalakkersuisut akuerisimagaat arlalinnit tupaallaatigineqarpoq.

Siulersuisuni siulittaasup akissarsiai 750.000 koruuniulerput, akissarsiaqqortunerpaanngorlunilu, tunngavilersuutigineqarpoq mittarfiup aningaasassarsiornerani sanaartornerullu nalaani suliassaqarnerulerneq.

Politikkikkut akisussaaffik

Doris J. Jensen Naalakkersuisut siulittaasorigallagaattut issianermini, immikkut ittumik ataatsimeersuartoqarnissaanik akuersivoq. Taamaasilluni Naalakkersuisut tamarmiullutik ataatsimiinnerminni suliamik ilisimatinneqanngitsoornerannut politikkikkut akisussaasutut inissippoq. Sulinngiffeqartoqarnera pissutaavoq, Naalakkersuisut Siulittaasoqarfiani pisortaq, Søren Hald Møller nassuiaavoq.

Paasinarsivorli siulersuisut siulittaasuata akissarsiaanik qaffaasoqalernera, Kim Kielsenimut ilisimatitsissutigineqarsimasoq.

Siulersuisut siulittaasuata akissarsiaanik qaffaanissaq pillugu Naalakkersuisut siulittaasorigallagaatut inissisimasoq tunineqassasoq ilisimatinneqarpit?

Aap, Kim Kielsen naatsumik erseqqissumilli akivoq.

Suleriaaseq nalinginnaanngitsoq

Kim Kielsen sulinngiffeqarnermini aalajagingassanik akuersisarnera nalinginnaanngilaq.

Sulinngiffeqaraluarlutilluunniit aalajagingassat akuereqqaartarneri nalinginnaava, taamaasilluni siulittaasuugallartutut inissisimasoq atsiuinnartussanngorluni?

Naamik, Kim Kielsen akivoq.

Malunnarpoq Doris J. Jensenip Naalakkersuisutut Siulittaasutut inissisimagallarnermini suliassani qanoq politikkikkut akisussaaffeqarnerminik ilisimasaqarsimannginnera.

Atsiortussaannaq

Sermitsiaq.AG-mi allaaserisami saqqummiuteriikkatsinni sammisaq pillugu Facebookikkut ima allappoq:

- Naalakkersuisuni sulinermi ileqquuvoq Naalakkersuisut siulittaasuat peqanngikkaangat, Naalakkersuisuni ilaasortaaqataasup Naalakkersuisut siulittaasuata atsiugassaralua sinnerlugu atsiortoqartartoq. Soorluttaaq aasaq taamatut pisoqarpoq, Naalakkersuisut siulittaasuata Naalakkersuisoqarfianut aggersarneqarpunga atsiugassamillu tunineqarlunga​​​​​, Doris J. Jensen allappoq, 2018-imilu aasakkut atsiortussaannartut inissisimasimasutut nalilerluni.

Læs hele sagen:

  1. Stort honorarløft til lufthavnsformand
  2. Doris godkendte honorarløft til bestyrelsesformand
  3. Honorarløft er besynderligt
  4. Derfor blev honorarløft holdt skjult
  5. Honorarsag er dybt problematisk
  6. Kielsen var orienteret om honorarløft
  7. Havnebestyrelse scorer 525.000 kroner
  8. Talittarfimmi siulersuisut akissarsiaat katillugit 525.000 koruuninut qaffanneqarsimasut
  9. Isertuussisoqarnissaa piginneqatigiiffiit pillugit inatsisitugut akuersaaneqarpoq
  10. Selskabslov blåstempler hemmelighedskræmmeri
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER