Skip to main content

Akissarsiat nikinganerisa allanngortinneqarnissaat paamaarutigineqarpoq

Politiit pineqaatissinneqarsimasullu inissiisarfianni betjentit akissarsiaasa assigiinnginneri pillugit misissuineq paamaarutigineqarpoq. Kinguarsaaneq akuerineqarsinnaanngilluinnarpoq, Aaja Chemnitz Larsen oqarpoq.

Inatsisinut atuutsitsinerup iluani akissarsiat nikinganerisa aaqqiivigineqarnissaatkinguartinneqarpoq.

Politiit pineqaatissinneqarsimasullu inissiisarfianni betjentit akissarsiaasa atorfininnerminnilu atugarisaasa qulaajaaffigineqarnerat ukioq manna naatinnagu naammassereersimasussaagaluarpoq. Taamaattoqarsinnaanngilarli, inatsisinut atuutsitsinermut ministeri, Søren Pape Poulsen (K), kalaallit nunaat pillugu ataatsimiititaliaanut allagaqarluni paasititsivoq.

- Qulaajaaniarneq isornartoqartittuaannarsimavara, akissarsiammi nikinganeri pillugit paasissutissat pisariaqartut pigereerpagut, Aaja Chemnitz Larsen (IA) oqarpoq.

Akissarsiat nikinganeri pillugit qulaajaasussaq suleqatigiissitaq siorna ukiup naalernerani pilersinneqarpoq. Kalaallit Nunaanni inatsisinut atuutsitsinermut tunngasunik Christiansborgimi tusarniaasoqareersorlu pilersinneqarluni. Tusarniaanermi Danmarkimi politiit Kalaallit Nunaannilu politiit akissarsiaasa nikinganeri ajornartorsiutaasutut taaneqarput. Kalaallit Nunaanni pineqaatissinneqarsimasut inissiisarfianni betjentit eqqarsaatigalugit, Danmarkimi suliaqaqatiminnut sanilliullugit 4.500 koruuninik akissarsiakinnerupput.

Qulaajaanerli ukiumi nutaami aatsaat naammassineqarnissaa naatsorsuutigineqartoq, inatsisinut atuutsitsinermut ministeri maanna allappoq. Pissutsinullu aaqqiissutissatut suliniutissat folketingimut qinersinerup unitsikkallarsinnaagai ilimanarsivoq.

- Akissarsiat nikinganeri taamaatsiinnarneqarnissaat, suliallu paamaarunneqarnera akuerineqarsinnaanngilluinnarput, Aaja Chemnitz Larsen (IA) oqarpoq.

- Suliaq kinguartinneqarmat, neriuppunga minnerpaamilluunniit ajornartorsiummut aaqqiissutissamik siunnersuuteqassasut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER