Skip to main content

Akissarsiaqqortuut immikkut akileraaruserneqartalissappat?

Pisoq innuttaasunut tamanut sunniuteqartussaq maannakkut aallartilerpoq: Siunissami akileraartarnikkut aaqqissuussineq qanoq isikkoqassava? – Atortussat tamaasa qimerloorniarpavut, kaataannaanngitsoq, Naaja Nathanielsen oqarpoq.

Akileraartarnermut tunngasut pillugit oqallittoqalerpat illua’tungiliuttut oqaatsimikkut sakkortussapput, tamanna imaalluarsinnaavoq inatsisinik akileraartarnermut tunngasunik  arlalinnik aaqqiisoqarnissaanut aallarniutaasoq.

Aviisi AG taama allappoq.

Ippassigami Naalakkersuisunut ilaasortaq Naaja H. Nathanielsen (IA) Inatsisartuni qanoq pisoqarnissaanik erseqqissumik aallarniivoq.  

- Akileraaruseeriaatsinik aaqqissuuseqqinneq imaassanngilaq ataasiinnarmik siunnersuuteqarneq aqqutigalugu ajornartorsiutinik tamanik aaqqiissutaassasoq, kisianni inatsisissatut siunnersuutit imminnut ataqatigiittut aqqutigalugit taamaaliortoqassaaq. Inatsisartuni partiit oqaloqatigereerlugit siunnersuutit kittaarlugit saqqummiunneqartassapput ukiaminngaannit ukiut tulliuttut ilanngullugit, taanna nalunaarpoq. 

Sapaatip-akunnerisa tulliuttut ingerlanerini partiit aallarniutaasumik oqaloqatigiinnissamut aggersarneqassapput. Naalakkersuisoqatigiit nutaat anguniarpaat atituumik isumaqatigiittoqarnissaa, talerperliit piviusumik peqataatinnissaat orniginartinneqarluni. Taamaaliornikkut anguniarneqarpoq isumaqatigiissutit qinersinerup kingornatigut tassanngaannaq atorunnaarsinneqannginnissaannik qulakkeerinninnissaq, aamma tamatumani politikerit aallaqqaataanit aallarteqqinnissaat pinngitsoortinneqassaaq.

Naleraq suliap ingerlanerani manna tikillugu ilisimatitsisoqartarnera pillugu assut naammagittaalliorpoq. Hans Enoksen naapertorlugu namminersorlutik oqartussat napasuliarsuanni pisoqartarpoq partiinut ilisimatitsissutigineqartanngitsunik.

- Uanga partiip siulittaasuatut akileraartarnikkut aaqqissuusseqqinnissaq eqqarsaatigineqartoq pillugu kisitsisinik ataasiarlungaluunniit tigusaqanngilanga. Taamaattumik paaserusuppara: Manna tikillugu suliamik kina ingerlatsiva? Atorfilittaappat imaluunniit Naalakkersuisuni ilaasortaq ataasituaq? Akulerutsinneqanngilagut tamannalu pillugu ilisimasaqanngilagut, Enoksen Inatsisartut ataatsimiittarfianni oqarpoq.

Aviisimi AG-mi atuarnerusinnaavutit. Aviisi uani pissarsiariuk:

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER