Skip to main content

Akiliutinik utertitsinissaq IA-p ilumuunnginnerarpaa

Naalakkersuisut tusagassiorfinnut nalunaaruteqarput, Aningaasanut Ataatsimiititaliap aalajangiinera atsiorsimasoq suli tigunagu

Aningaasanut Akileraarutinullu Ataatsimiititaliami ikinnerussuteqartut tassaasut Inuit Ataqatigiit, aalisartut aalisarsinnaanermut akuersissummut akiliutaasa 1.500 korunit, ukiup aallartinnerani akiliutigisimasaasa, utertinneqarnissaannut Naalakkersuisut qinnuteqaataat itigartippaat. Ikinnerussuteqartut tassaapput Maliina Abelsen (IA), Hans Aronsen (IA) aamma Naaja Nathanielsen (IA).
Partiit naalakkersuisooqatigiit aalisartut akiliumminnik utertitsinissaannik qineqqusaarutigalugu neriorsuutertik naalakkersuisuunerminni ullut siulliit 100-t iluanni piviusunngortinniarlugu tamaviaarutigisimavaat, mannali tikillugu Aningaasanut Akileraarutinullu Ataatsimiititaliaq itigartitsisarsimavoq. Tallimanngormat Naalakkersuisoqarfik tusagassiorfinnut nalunaaruteqarpoq akiliutit utertinneqassasut, tamannalu Aningaasanut Akileraarutinullu Ataatsimiititaliap pingasunngornermi juunip 26-anni ataatsimiinnermini akuersissutigisimagaa.
Aamma atuaruk: Aalisartut akuersissummut akiliutitik utertissavaat
Tamatumunngali oqaaseqaateqarluni Naaja Nathanielsen allappoq:
"Inaatsisartut suliaannik ataqqinninnginneq sapaatit akunneri tamaasa annertuseqqeriartarpoq. Sapaatip akunnera kingulleq mininneqanngilaq. Tallimanngormat ualikkut Naalakkersuisut tusagassiorfinnut nalunaaruteqarput qulequtalimmik "Akuersissummut akiliut 1500 koruuniusoq Naalakkersuisut atorunnaarsippaat". Tusagassiorfinnut nalunaarutip naggaterpiaani allassimavoq "Oqaatigineqassaaq Aningaasanut Akileraarutinullu Ataatsimiititaliap juunip 26-anni 2013 ataatsimiinnerani amerlanerussuteqartut Naalakkersuisut qinnuteqaataat akuersissutigisimammassuk".
Siuliani pineqartumut ajornartorsiutaavoq Aningagasanut ataatsimiititaliap aalajangiinera Naalakkersuisut suli tigusimanngimmassuk! Tassami tallimanngormat ualikkut Aningaasanut Ataatsimiititaliap siulittaasuanit Finn Karlsenimit atsiorneqarsimanngilaq, taamaasillunilu Naalakkersuisoqarfimmit suli tiguneqarsimanani.
Naaja Nathanielsen allappoq, taamaasilluni suliassap matuma suliarineqarnerani aappassaa Naalakkersuisut Aningaasanut Ataatsimiititaliap suliai pillugit oqaaseqarput tunngavissaqanngitsumik. Siullermik tusagassiorfinnut oqarput akuersissummut akiliut kingumut atuutilersumik atorunnaarsinniaritsik, suliassaq suli Aningaasanut Ataatsimiititaliami suliarineqanngitsorluunniit. Maannalu amerlanerussuteqartut aalajangernerat oqaaseqarfigaa, aalajangiineq suli takusimanagu.
Anngaaginnartut
Tamanna taamaallaat imatut paasineqarsinnaavoq, Naalakkersuisut Inatsisartuni ilaasortaminnit tamakkiisumik tapersersorneqarnissartik naatsorsuutigigaat, naalakkersuisooqatigiinnilu ilaasortatik politikkiminnut anngaaginnartutut pissusilersorfigalugit. Tamanna ataqqinninnginneruvoq kanngunarlunilu. Aningaasanut Ataatsimiititaliaq tassaajuarsimavoq Inatsisartut Naalakkersuisullu akornanni oqimaaqatigiinnermik attassisitsisoqq taamaasillunilu pissaanerup pingasunut avissimasuunissaa qulakkeerlugu (eqqartuussisoqarneq, inatsisiliorneq, inatsisinik atortitsineq). Taamaasillunilu naatsorsuutigisariaqarpoq  Inatsisartut sulinerat aalajangiinerilu Naalakkersuisut ataqqisassagaat, minnerpaamillu utaqqisarlugu suliassat oqaluuserineqarnissaat pappiaqqalu pisortatigoortut nassiunneqartarnissaat.
Inuit Ataqatigiit akuersissutinut akiliut peersikkusuppaat, kingumulli atuutsilersumik inatsisiliornermi peqataasinnaanngilagut. Qinersinermi neriorsuut piviusunngortinniaannarlugu kingumut atuutilersumik taama immikkuullaritsigisumik inatsisiliorniarneq piumasaarsorneruvoq.
Taamaattumik Inuit Ataqatigiit siunnersuummut akerliullutik taasipput unalu minnerussuteqarluni oqaaseqaatitut nassiullugu, Naalakkersuisut suli takusimanngisaat, aalajangiineq suli tigusimannginnamikku:

"Ikinnerussuteqartut Inuit Ataqatigiit qinnuteqaat itigartippaat manna tunngavilersuutigalugu:
Inuit Ataqatigiit ersarissumik oqarsimapput akuersissummut akiliutip 1500 koruuniusup 2014-imi januaarip aallaqqaataanit atorunnaarsinneeqarnissaa akuersaarsinnaallugu. Akiliutilli kingumut atuutilersumik utertinneqarnissaannik qinnuteqaat akuerisinnaanngilarput.
Atuarfiit nutarterneqarnissaat
Inuit Ataqatigiit isumaqarput nunami innuttaasut tatigisinnaassagaat inatsisiliavut atuuttuusut, siumut isigisumik allanngortinneqarnissaasa atorunnaarsinneqarnissaasaluunniit tungaanut. Naalakkersuisut qinnuteqaataannik akuersissuteqarnermikkut Aningaasanut Ataatsimiititaliami amerlanerussuteqartut ukiorpassuarni ileqquusimasoq, tassa Aningaasanut Ataatsimiititaliap qinnuteqaatit kingumut atuutilersussat akuersissutigineq ajorai, atorunnaarsippaat. Inuit Ataqatigiit isumaqarput ileqqup taassuma atorunnaarsinnissaanut suliassaq naammattumik pingaaruteqanngitsoq, ileqqoq tamanna pilersinneqarsimammat innuttaasut suliatsinnik tatiginninnissaat pillugu.

Inuit Ataqatigiit piumanerugaluarpaat qinnuteqaatip aningaasartai 1,9 millioner koruunit taarsiullugu atuarfiit nutarternerannut atorneqassasut. Isumaqarpugut tamanna inuiaqatigiit aningaasaataannik agguaassinerlunnerusoq. Ajuusaarutigaarpullu amerlanerussuteqartut qinnuteqaat ersarinngitsoq amigaateqartorlu akuersissutigimmassuk, qineqqusaarutitut neriorsuutit piviusunngortinniaannarlugit. Akuersissummut akiliut siumut atuutilersumik atorunnaarsinnissaa Naalakkersuisut toqqarsimasuugunikku Aningaasanut Ataatsimiititaliaq isumaqatigiissoq tunuliaqutarissagaluarpaat.
Kingullertut minnerunngitsumillu ikinnerussuteqartut isornartoqartittorujussuuvaat piniarnermut, aalisarnermut nunalerinermullu Naalakkersuisoq aningaasanut ataatsimiititaliami suli suliarinnitctoqanngitsoq, tamanut ammasumik neriorsuimmat atorunnaarsitsineq kingumut atuutilersumik pissasoq. Tamanna aningaasanut ataatsimiititaliap suliaanik paasinninnginneruvoq ataqqinninnginnerullunilu".
Paasissutissiisoqarpoq
Tamatumunnga oqaatigineqassaaq Aningaasanut Akileraarutinullu Ataatsimiititaliap siulittaasuata Finn Karlsenip, Siumut, Sermitsiaq.AG-mi allaaserisamut siuliani taaneqartumut oqaaseqaateqarluni tupigimmagu aningaasanut ataatsimiititaliap aalajangiinerinik paasissutissat suli nassiunneqanngitsut tusagassiorfiit sumit pissarsiarisimaneraat. Allakkat atsiorneqarsimasut suli ingerlateqqinneqarsimanngillat, arfininngormat ualikkut taanna allappoq.
Suliap suliarineqarnerata nalaani Sermitsiami allaaserineqarsimasoq kimilluunniit taaneqanngilaq, suliassarlu itdigartrinneqarsimanngilaq. Piumasaqaataaginnarsimavoq aningaasat allamit tiguneqassasut, Finn Karlsen oqaaeqaammini allappoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER