Skip to main content

Akiliunneqarluni sulinngiffeqarluni angalasarnissat sammineqartut

2020-mi Naalakkersuisut sulinermillu inuussutissarsiortut kattuffii Kalaallit Nunaanni namminermi akiliunneqarluni sulinngiffeqarluni angalasarnerit akileraarutigisussaannginneri pillugit isumaqatigiissuteqarput, taamaalillutillu akunnittarfinni unnuinerit aamma tamatumunnga ilaatinneqalerlutik. Aningaasaqarnermut Ataatsimiititaliap Naalakkersuisunut apeqqutigaa taamatut aaqqissuussisimaneq ukioq manna ingerlateqqinneqarniarnersoq.

Aningaasaqarnermut Ataatsimiititaliap coronamut atatillugu ikiorsiissutissat 45 millioner koruunit akuersissutigineqarnissaannut atatillugu februaarip aallaqqaataani aningaasaliissutissat nukinginnartumik suliareriarlugit akuersissutigigamigit Naalakkersuisunut arlalinnik apeqquteqarpoq.

Apeqqutaavoq Nunatsinni takornariartitsisartut akunnittarfiliutillillu coronap tuniluunneranit ilungersunartorsiortinneqarneranni akiliunneqarluni sulinngiffeqarnermi angalanissat Nunatsinni siuarsaaffigneqarnissaannut amerlanerussuteqartoqassanersoq.

Taamak 2020-mi isumaqatigiissutaasup assinganik annertusisamik akileraarutiginnittussaannginnermik eqqusseqqissinnaaneq Naalakkersuisunit qanoq isumaqarfigineqarpa, ataatsimiititaliaq immikkut ittumik inuussutissarsiuteqartut isertitarisartakkamikkut aamma eqqugaasimasut pillugit ukkatarinnittoq Naalakkersuisunut taamatut apeqquteqarpoq.

Sanaluttartut

- Takornarialerisunut ikiorsiissutinut tunngatillugu ataatsimiititaliamit erseqqissaatigiumaneqarpoq takornarialerinermut atatillugu arlalinnik, aamma isertitaqarniarnikkut amigaateqarnermik eqqugaasunik malitsitut inuussutissarsioriaaseqartoqarmat. Inuussutissarsiortut taakku ilaat tassaapput sanaluttartut suliaminnik takornarianut tunitsivissaaruttut, Aningaasaqarnermut Ataatsimiititaliaqe eqqumiitsuliortut taakku isertitassaraluatut annaasaat pillugit naatsorsuinernik Naalakkersuisut missingersuutaateqarnersut aamma siunissami eqqumiitsuliortunik taakkuninnga ikiuiniarluni periarfissanik sunik Naalakkersuisut takusaqarsinnaanrsut pillugu paasisaqarusuttoq allappoq.

Aningaasaqarnermut Ataatsimiititaliaq sineriammut qanittumi aalisartunut ikiorsiissutissanik suliaqarnerup sumut killinneranik ilisimatinneqarusuppoq, tassungalu atatillugu inuussuttunut tunngatillugu imatut apeqquteqarluni:

- Aalisartunut inuusuttunut aallarterlaanut, suli aalisartutut pioreersutut anginerusunik aalisariutaatilittut ikiorsiissutinik pisariaqartitsineq pillugu uppernarsaasiisinnaanngitsunut ikiorsiisinnaanermut tunngatillugu ajornartorsiutit suut Naalakkersuisunit siumorneqarsimappat?

Aalisarnermi tunitsiveqarniarnikkut pissutsit

Ataatsimiititaliamit aamma paasisaqarfigissallugu soqutigineqarpoq, nunat tamat akornanni tunitsiveqarniarnikkut pissutsit Kalaallit Nunaata aalisarnikkut siunissami isertitaqarsinnaaneranut qanoq sunniuteqassanersut. Ukiup nikinnerani tunitsivittut pingaarutillip Kinap eqqussuinermi sakkortuumik killilersuilernerata raajanik qaleralinnillu tunisaqartarneq eqqorpaa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER