aatsitassat
Akilersuiunnaanneq arfineq-pingajussaanik sivitsorneqartoq
Pigisanut agguaassisarnermut eqqartuussiviup Nunamineralsip akilersuiunnaarnera marsip 11-ata tungaanut sivitsorpaa
Kalaallit Nunaanni pigisanut agguaassisarnermut eqqartuussiviup februaarip 29-ani eqqartuussinermi, Nunamineralsip akilersuiunnaarnera marsip 11-ata tungaanut sivitsorpaa.
Ingerlatsivik børsimut taama nalunaaruteqarpoq.
Atuaruk: Nunamineralsip aaqqissuuteqqinnera kinguartoorpoq
Nakkutilliisoq akuersivoq
Aalajangiineq ingerlatsiviup qinnuteqarnerata kingorna nakkutilliisunit taaneqartunit akuerineqarpoq. Nakkutilliisuupput eqqartuussissuserisoq Søren Aamann Jensen, Københavnimi advokatfirmami Kromann Reumertimeersoq aamma eqqartuussissuserisoq Niels Hansen Damm, Nuummi Advokatfirmaet Malling og Hansen Dammimeersoq.
Nakkutilliisut taarsigassarsiaqartut soqutigisaat nakkutigissallugit suliami suliassaraat. Taamaattumillu nakkutilliisut ingerlatsiviup aalajangiineriannertuut akuerisartussaavaat.
Periarfissiineq
Akilersuiunnaarnerup aatsitassanik ujaasinermik ingerlatsivik ajornartorsiortoq aningaasatigut tunngaviliinissamut periarfissittarpaa, taanna taarsigassiisut tapersigassaraat. Suliarli sivitsorpoq. Ingerlatsivik maajimi 2015-imili akilersuiunnaarnikuuvoq, maannalu arfineq-pingajussaanik pigisanut agguaassinermut eqqartuussiviup tamanna sivitsortippaa.